|
تلبيه للطلب يابدر الشدادي
السلام عليكم ورحمة الله وبركاته ,,
اسعد الله جميع اوقاتكم بالخير والمسرات ,, زميلنا الشاعر بدر الشدادي يطلب مني أيراد بعض من قصائد متنبي عتيبه الشاعر الكبير بندر بن سرور العتيبي " رحمه الله " والحقيقه بندر شاعر كبير وقصائده معضمها موجود في اغلب المنتديات , ولكن أنا اليوم حرصت كل الحرص على البحث عن القصائد قليلة النشر واتيتكم بهاتين الرائعتين عسى ان تنال على اعجابكم واعجاب الزميل بدر الشدادي . لولاي أعد الرجم في مرقب الصاح= والعب بعسر القاف مانيب صاحي قم ياعليثة للشهرعد وش راح= بأول جمادى عد لي ويش راحي وهات القلم واكتب لي الخط ياصااح=زرّف علاه وسجله بالنصاحي وعيني اللي ماتهنت بالأمراح= من يوم جاني بالبخايص مناحي البارحه مامرحت لين القمر طاح= من شرق لينة يمة الغرب طاحي ياجعل يسقيهم من الوسم جرّاح= قدام ينزاعون لي بالنواحي وقلبي اللي داخل ٍ فيه فحفاح = فحفاح قوم ٍ محتسين الصباحي تليتني تلت معاويد فلاح = سواقهنه مايذوق المراحي فالليل سراي ٍ وفالصبح سراح = ودايم عليهنه بشونه يناحي يسقي لهن غرس ٍ على العين مرتاح= يعدل عليها الجم في مستراحي ويامن سميه في سوا الحزم شباح = ياكم فجر من عين حسواً قراحي وأسمه يبارى الصيد وان جاك سراح = جافل وقافيته هبوب الرياحي وياشبه عفراً للمداوير مضياح = تجذب هشاهيش الخلا بالضياحي مرباعها بين النويع والاسياح = ومقياضها عد الرويس الملاحي ’’سر ياقلم مالي على الصبر طاقه ’’ سر يا قلم مالي على الصبر طـاقـه =صبري تعديّ الحد ما عــاد ينـطاق اكتب لمثلـــي قصــته واشــتــياقه=فى خطك الواضح على بيـض الا وراق قصة حزين صافي الحر ذاقه =أنـا بذكـر ماصلـه خـاطـري ضاق باقوابه الاصحاب والوقت باقه =وصـار الضـحـيـه بـين باير وبواق يمشي وهو ماحس فى كسر ساقه =أمسـى علـى سـاقين واصـبح علـى ساق وهذى سواة الوقت شين اصطفاقه =الـوقـت لويصـفـي لــك أيـام .....دراق لاشك يامن معك عقل اولباقه =يـنـصـحـك كـان أنـك لـلامـثـال تـشـتـاق صادق رجالّ يعرفوون الصداقه =يـقـفـون صـفــك يــوم يـبـسات الاريـــاق ومن يرغب فراقك فـعجل فراقه =جــاز الــذى يـجـزيـك إفـراق بـفـراق يقوله اللي جاير الو قت عاقه =ولا زال فـي غـيـبـوبـة الـهـم مـافــاق حظه على اقشر شي للنفس سـاقه =بـقـبـور الاحـيــا00 يـنـظـر يـوم الا طـلاق |
رد: تلبيه للطلب يابدر الشدادي
لاهان الشداديّ ..
و الله يعطيكـ العافية على أيرادها لنّـا .. من أعلام الشعر بن سرور الله يرحمه .. " وسر يّ قلّـم" من القصائد المحببه لدىّ .. .. أختيار موفق أخ فزاع .. و تقييم + وديّ .. |
رد: تلبيه للطلب يابدر الشدادي
لاهنت يالمرشد وافي
|
رد: تلبيه للطلب يابدر الشدادي
فزاع
تعيش يانسل الرجال القواطيع=يالصارم النادر عطيب الفعولي تقديري وفائق احترامي لـ سموك القدير |
رد: تلبيه للطلب يابدر الشدادي
اقتباس:
المشاركة الأصلية كتبت بواسطة فراشة [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] لاهان الشداديّ .. و الله يعطيكـ العافية على أيرادها لنّـا .. من أعلام الشعر بن سرور الله يرحمه .. " وسر يّ قلّـم" من القصائد المحببه لدىّ .. .. أختيار موفق أخ فزاع .. و تقييم + وديّ .. يستاهل الشدادي وانتي تستاهلين كل خير يافراشه والله يعافيك ويسلمك نورتي متصفحي لاعدمتك |
رد: تلبيه للطلب يابدر الشدادي
اقتباس:
المشاركة الأصلية كتبت بواسطة مشاعر مجروحه [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] لاهنت يالمرشد وافي الله لايهينك يالمجروحه شرفني مرورك عسى عمرك طويل |
رد: تلبيه للطلب يابدر الشدادي
اقتباس:
المشاركة الأصلية كتبت بواسطة بدر الشدادي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] فزاع تعيش يانسل الرجال القواطيع=يالصارم النادر عطيب الفعولي تقديري وفائق احترامي لـ سموك القدير ياهلا وغلا يابدر لاعدمتك وجهك ابيض يالغالي ولاعليك زود أنت وقبيلتك قروم الرياجيل وأنا ماسويت شي يالامير لو تطلب عيوني قلت لك فداء يابدر وشكراً على هذا الاطراء الذي اعتبره وسام على صدري اجمل واعذب وارق تحيه تهدالك يالشداديض29ض29ض29 |
| الساعة الآن 06:29 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
