بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته

بسم ربي ببتدي قافيه=بالذكر قد طاب لي مبداها
سيدنا سيد البشر طاريه=اوجب نصلي بعد صلاها
للشعر مني سلام تحيه=قد فزع لي في جميل بناها
جآ بوقته حزته عصريه=في رساله عارف(ن) فحواها
الرساله واضحه منقيه=كل عارف فاهم (ن) معناها
راحت نفوس البشر بشهيه=خايبه خسران من يسعاها
مختلفنا بين داب وحيه=تستوي بالذيل ولا فاها
السموم زعاف شر وغيه=والنظر مابه نظر مشقاها
القلوب الفارغه مقذيه=ما تخاف المحسنه ودعاها
الفتى ما صاح بـ ام وخيه=طهر نفس استفزعت يمناها
القدر ياتي بلا ماريه=يحصد ارواح البشر ممداها
قصة محمد كذا مرويه=للشرف نبراس يامزهاها
فزت الأخلاق يالله حيه=رحبت به واعتنز مركاها
كيف يحكم من غدى داعيه=دون عرض ودون نفس انجاها
ام لخشاب اسئلت وش ذيه=قوم يا سجان فك خطاها
رد وضعك ذا علي جبريه=الظرورف القاهره مقساها
النفوس المومنه مبليه=يصبر المومن على بلواها
لي ذكرت الي على راجيه=ضاقت الدنيا على رحباها
ام تبكي وقتها فجريه=لي فجر ثاني وهي ببكاها
راح صوت الساجده بحيه=الشهيق وزفرت(ن) محماها
يالله عنها في حياة(ن) سيه=اجحفت في حقها وابناها
سلم الله وجه نور(ن) ضيه=في ركون البيت ما عداها
واين فزعتها قلوب(ن) حيه=صمت لا فطر ولا غذاها
اطلبي حق الركب مثنيه=وابركي للجايره ورغاها
البيوت وجاتكم عفويه=في سجين(ن) للشرف مغزاها
قلتها من قلب صادق نيه=مابغيت المدح من سواها

الله يجمل حالك يا محمد
والله يفرج كربة محمد بحق محمد وال محمد
وصح بدنك نفدى وجهك
ولا عندي كلام زياده عن الي قلهنت
بيض الله وجهك على مرورك الطيب
وجزاك الله الف خير

صح بدنك
والله لا يهينك يا خوي
واطرائك محل اعزاز وتقدير
والله يفرج كربته ومحنته