سلامتك .. والله .. يحفظك .. ويبقيك ..!
 

سلامتك والله يحفظك ويبقيك
ويقبل دعاتك في صلاتك وصومك

ياجعلني ماذوق حزنك ولا ابكيك
يافرحة سنيني عسى الله يدومك

ليت التعب فيني حبيبي ولا فيك
وياليت يومي ينتهي قبل يومك

ودي اضم ايديك واقبل ايديك
وفرش لك ذراعي مخده لنومك

وان قمت من نومك وعيني تراعيك
سولف عن احلامك وعطني علومك

استأذنك لحظه دقايق بخليك
بروح ابشر عالمي في قدومك

في غيبتك احلم اشوفك واحاكيك
سمتني الدنيا بعدك محرومك

ياما تخيلتك بدربي واناديك
واقول : وشفيها تردت عزومك

لك وقت متغير على قلب مغليك
ماكنه الي شال عنك همومك

ابيع من عمري على الناس واشريك
لو باعتك دنياك مارخصت سومك

ماهو على شانك على شان ماضيك
مهما تسوي اعذرك ما الومك

هذا خيالي كل ما مر طاريك
والا الحقيقه عايش ارجي غيومك

اضحك على نفسي اذا قلت مابيك
انت القمر والناس هذي نجومك

حببتني في كل حاجه حواليك
مانيب من قومك واحامي لقومك

ماقول غير الله يحفظك ويبقيك
وياجعل يومي ينتهي قبل يومك
.
.
[youtube]http://www.youtube.com/watch?v=6Xzkuxjh31Q&feature=related[/youtube]

رد: سلامتك .. والله .. يحفظك .. ويبقيك ..!
 

الله الله ... ابداع
سلمت يمينك

رد: سلامتك .. والله .. يحفظك .. ويبقيك ..!
 

يسلم ذوقك رااااائعه شكرا لك

رد: سلامتك .. والله .. يحفظك .. ويبقيك ..!
 

صح لسانك قصيده رائعه جداً اتمنى لك التوفيق .



وفقك الله..

رد: سلامتك .. والله .. يحفظك .. ويبقيك ..!
 

الله يوفقك

رد: سلامتك .. والله .. يحفظك .. ويبقيك ..!
 

لك وقت متغير على قلب مغليك
ماكنه الي شال عنك همومك

ابيع من عمري على الناس واشريك
لو باعتك دنياك مارخصت سومك


مبدع كعادتك يعافيك ربي

رد: سلامتك .. والله .. يحفظك .. ويبقيك ..!
 

حياك الله ياضامي ,,

صح الله لساان الشاعر وصح كلك ولاهنت نقل رائع بارك الله فيك ,,

كل التقدير والشكر لسموك .

رد: سلامتك .. والله .. يحفظك .. ويبقيك ..!
 

ضامي الشوق تسلم اياديلك على النقل المميز كاتميز تواجدك بينا
تحيتي لك لاهنت ياذوق

رد: سلامتك .. والله .. يحفظك .. ويبقيك ..!
 

رد: سلامتك .. والله .. يحفظك .. ويبقيك ..!
 

أبيات وشيله جميله
ضامي أرويت الذوق لاهنت