قريت قافن فاح مسك ن وريحان=وبيحت مكنوني وبيحت سري
وقررت اجاري بنت ذربين الايمان= وبديت باسم الله وخطيت سطري
يابنت شفي كامل الوصف وحصان=هاذي وصوف الي على البال يطري
انا اتمنى معربن نسل عتبان = وافي حفيد شيوخ ماهوب خكري
وابيه في طلعه كما الحر شقران =حرن وحش ماهو فرخ طير وكري
وابيه شييخن لصعيبات مزبان =يزهاه جزل القاف ويزهاه شطري
وابيه مثل الشيخ تركي كحيلان =ابن حميد الي سكن نجد جبري
وابيه يبطش بطش مسلط ربيعان=من شاف طرحه للجنايز يهذري
والا كما عفاس من روس شجعان = من روس روق الهم مكانه وقدري
وابيه مثل الظيط من نسل فرسان=بالمعركه سيفه على الصدر يفري
والا كما شليويح لثار دخان =لاقابل الفرسان تعجز وتزري
وابيه مثل افعول شالح وهدلان = ياما خذو بالمعركه كل نصري
وابيه مثل كريم سبلا وقيان =من الاد زايد فيهم الطيب فطري
وابيه مثل شيوخ حرب المضيان = تنخاهم الفرسان والخيل تجري
هذا وصلى الله على نسل عدنان =اعداد ماغنى على الغصن قمري