الملتقى الجماهيري للشاعر محمد بن فطيس المري - الملتاع/ويآآآصغير...ما أذل وراسي يشم المهب .. لو بقى من شمر طفل غرير

- ساحة القصائد والقصة والخواطر المنقولة (http://www.m-f6es.com/vb/forumdisplay.php?f=17)

الملتاع/ويآآآصغير...ما أذل وراسي يشم المهب .. لو بقى من شمر طفل غرير

السلام عليكم ورحمة الله وبركاته

اخواني الاعزاء

هذة القصيدة للشاعر الامير الراحل (طلال الرشيد) رحمه الله

احببت ان تشاركوني بالاستمتاع في بحر معاني كلماتها

قصيده للشاعر المرحوم الأمير طلال الرشيد رحمه الله

يا صغيّر ما يكبرني لقب
وما يصغرني إذا انكرني صغير
ما خذينا الصيت من جمع الذهب
ولا نسابة شيخ او قربة وزير
كاسبينه من هل السيف الحدب
الجنايز كان ما جاك النذير
صيتهم نجم ٍ على رأسه لهب
سمعوا الصقهان به و اجهر ضرير
بالوفا تاريخ أبيض ينتصب
لا حكوا بالحق حيين الضمير
ضيغمين للسناعيس انتسب
لابةٍ طلنا بها عرش كبير
عند حدك يا كثير الهرج تب
لا تمر النار و ثيابك حرير
كان لك عز بذلي فتعقب
و الله ألا تبطي و حبلك قصير
احسبنك من صناديد العرب
و اثر ساترتك عباتك يا غرير
ما حسب للسوس زراع القصب
و القراده ما درى عنها البعير
و لو حسبنا للحسايف والتعب
ما بذرنا يا العصافير الشعير
عن هلك ابراي لله و احتسب
الرجال اللي مجارهم عسير
من قريش المصطفى و ابو لهب
و الدغالب ما غشت عذب الغدير
للرجال من الرجاجيل العتب
و الزكاة تحل في حال الفقير
لعنبو وقتٍ غدينابه حطب
تحرقه نار يثورها اجير
ما ألومك و الزمن سوى العجب
هو بقى غير الكرامه بالجفير
ما أذل و راسي يشم المهب
لو بقى من شمر طفلٍ غرير
ما اهاب ولا يزلزلني غضب
الشجاعه ورث العاقل غزير
يا صغير ما يكبّر باللقلب
غير من هو كان من دونه صغير

اتمنى ان تنال اعجابكم ورحم الله كاتبها وغفر له واسكنه فسيح جناته

وهذا رد الأمير عبد الرحمن بن مساعد على قصيدة الأمير المرحوم طلال الرشيد ياصغير مايكبرنى لقب

والقصيدة هى ثلاث أبيات ولكن معناها كبير جدا ومو غريب على الأمير عبد الرحمن بن مساعد

يارفيقـي مـا يكبّـرك اللـقـب
به ومن دونه ،، تظل انت الكبير

لا يهمّك حكي حمّـال الحطـب
ما ينّقص قدرك الهـرج الكثيـر

الرجال اخلاق ،، ماهم بالحسـب
والمواقف درس ، والجاهل غرير

وسلامتكم ،،،

قصة شقا ماهي سواليف
ومزوح . . ليت القدر يومه

كتبها محاها .. هذا النصيب
وما كتبلي على اللوح .. قصة
عذاب تبكي اللي قراها ..

وداعا ياطلال الانسان ياطلال الشاعر ياطلال الامير

رحم الله الامير الشاعر واسكنه فسيح جناته

ق/م // كبرياء شمر