|
مات الغلا والوله.. والوقت صحاني !
خلاص ما عاد بيدك وانتهى دورك
من عقب ما كنت تامرني وتنهاني ومن عقب ما كنت احاول ارضي غرورك على كثر همّي اللي شلت واحزاني يومني اصدق معك واشتاق لحضورك والشوق في غيبتك خذني ووداني خلاص ما عاد بيدك وانكشف زورك لو كنت صادق تعاني مثل ما عاني مليّت اجاوب معك واراعي شعورك كرهتني في وصالك وانت تجفاني مليّت وانا اتحرى لحظة مرورك وانا احسب انك بعد مثلي تحراني كبّرت شانك واشوفك تقصر شبورك واكبر غلط يوم انا حطيت لك شاني غلطان منهو سمع رايك واخذ شورك واللي يجاوب معك بالحيل غلطاني خلاص لو بالبحر رسيت بابورك دربٍ يوديك لا يرجعك لي ثاني لو اظلمت دنيتي ما اشفق على نورك ولو الزمن ذكرك حاول تنساني لانه خلاص انتهى يا صاحبي دورك مات الغلا والوله.. والوقت صحاني مما راق لي |
رد: مات الغلا والوله.. والوقت صحاني !
كبّرت شانك واشوفك تقصر شبورك
واكبر غلط يوم انا حطيت لك شاني ياسلام ياسلام قمة أبداع ,, حياك الله ياسحابة الطائف,, للامانه يعجبي ذوقك دايم ماتجيبين الا شئ يلامس المشاعر,, صح الله لساان شاعرها وصح قلبك وكلك ماراق لك راق لي ايضا َ,, تحياتي وكل تقديري لك. |
رد: مات الغلا والوله.. والوقت صحاني !
تسلم يمينك سحابة الطائف
مبدعه في إختيارك وممتعه في قطفك لاعذب الكلمات واجزل القصيد عبارات وصور شعريه تحمل إحساس مرهف ولاهنتي يامبدعه تحياتي |
رد: مات الغلا والوله.. والوقت صحاني !
صديقتي سحابة.
كانت أبيات جميلة. وأنتقاء ناضج بالابداع. شكرا ً لك كثيرا ً ياصديقتي. |
رد: مات الغلا والوله.. والوقت صحاني !
مليّت وانا اتحرى لحظة مرورك
وانا احسب انك بعد مثلي تحراني كبّرت شانك واشوفك تقصر شبورك واكبر غلط يوم انا حطيت لك شاني غلطان منهو سمع رايك واخذ شورك واللي يجاوب معك بالحيل غلطاني صح لسان الشاعر وصح ذوقك وكلك ياسحابة الطائف اختيار موفق لاهو غريب منك طال عمرك |
رد: مات الغلا والوله.. والوقت صحاني !
ذائقة فريده
تسلمين اختي |
رد: مات الغلا والوله.. والوقت صحاني !
الله يعطيش العفيه سحابه وصح الله لسان الشاعر
|
| الساعة الآن 08:51 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
