|
فرحة يتيم
فرحت لك .. وأنا معاليقي حـــــطــــــام والصدر ..من مافيـــه بييح كنينــــــــــه فرحـــــة يتيـــم ..ليلة العــــيد مانــــــام خالاته ,وخواله,...مواعدينـــــــــــــــه مواعدينه بشت ..وشماغ بســـــــــــام ويلعبونـــه ..في ملاهي المدينـــــــه مانام ..واحــــلامه تحراه قـــــدام كــنه يطـــول أحلامه بـ(راحتينه) صبحه تجــلا نــوره بـــ عيد الأسلام وقبـــل يروح المسجد :مـــلابسينه جــده مابين العين والجيم والــــلام خـــــليه يـــافلانه ..ولاتاخرينــــــه تراقبه بــ عيونه..حـــب وهيــــــام وعيونها ..مماتكنه حـــــــزينـــــــه يعرض لها الماضي مثل عرض الأفلام لماضي ابوه وغـــــــلاه وحنينــــــــــه يرجيه لـــــ سنين القســــا درع وحـزام وجنب على صكـــات بقعا بعينــــــــــه أبو ثلاث اعوام ...والا 4 أعــــــــوام يغــــار منه البــدر .من كثــر زينـــه وصلى وجـــا وأمر الله اللي قضى تام ماهوب داري عنه ...زينه وشينـــــــه بشته عليه ..مهنــــدم غير هنـــــــدام واللـــــي بعمـــــره كلـــــهم محتــرينه يوم اطلـــعوا للشارع وانقسموا أقسام وأهـــم مافي القصه ...ملعبينــــــــــه تداعـــــب رموشـــه ذعاذيع الانــسام ويابردها يوم ايبستــــــ شفتيــنــــــه وعـــلى التـــراب الأرض بأصبعه رسام أما رســـم له طــــير والا سفينــــــــــه العيد طعمه كان في الشارع العــــــــام مــــاهوب عن رغباتـــــه ..مقيدينه رجـــع ولكــــن فرحته ضايعه دام كل مشى وأخــذ ولده بــ يمينــــــه صاروا أخواله في نظر عينه أصنام أحيوا .. بـــ داخله الـــجروح الدفينه ولاعنده الا أمه وناب القهر سام جاها يبي منها اليدين الامينـــه شعوره اللي حس به مثل الالهام وأول سؤال في باله:أبوي وينــه سؤال لكن كان مثل النبا الهـــــام لازال باقي في المسامع رنينه جته تعدي ماهو تخطي بالاقدام وشالته بيديها ...وحبت جبينه أبوك جاء البارح وقبل الفجر قام وشرى لك العاب وهـــدايـــا ثمينه تراه حبك وأنت غارق بالاحلام وراح لـ دوامه والشغل مرسلينه ولحظه وهوبين الحقايق والاوهام والدمع الازرق حاير فـ مقلتينه يــمه ترى مانمت والعالم نيام ماجاء ولالمست يديني يدينه مدام رقمه معك من بين الارقام بــ أكلمه يوم أنك تكلمينـــه طاحت ماكن الها من الصدمه عظام والاعاد فيها صبر ولاسكينــــــــــه وقالت بدون شعور وادارك وألمام أبوك في تراب القبر دافنيـــــنه العام مات.. ومت من موته العام كني بعد مامات عني سجينه أبوك جــــندي للوطن ضد الأجرام عطاك عمره دون داره وديــــــنه تفجرت من تحت رجلينه الغام ولاعاد لي بعده حصون حصينه بكت وطاح الدمع من حر الآلآم وبكى وطاح الكون من فوق عينه كل عذلها بين عاتب ولـــــــوام تصبري خلي ضلوعك متينه ماهو صحيح ان الضروره لها احكام اكبر خطاء يـــوم انك تعلنـــــــينه بكــــره تنسيه الليالي والايـــــــام هو فيه احد ينسه والديـــــــــنه؟؟؟؟ طير السعدفي عالمه مابعد حام والله يعلم وش تخبى سنينه أنا كــذا ساكت وصابر ومنضام لكن كان الفرق بيني وبينه الدمـــع لـــ عيون الأرمل والأيتام ودمـــع الرجــل ذل وهوان وغبينه للشاعر مشعان |
رد: فرحة يتيم
ي لبا الذوووق وراعيته
وصح لسان شاعرنا محمد بن فطيس كم إّنَّـَّŶǾƯـَّتْي ذوووويقه ض41 ودي |
رد: فرحة يتيم
لا هنتي يا فرح على الطرح الراااقي
قصيده تحمل من الألم الشي الكثير الله يبعد عني وعنش وعن الجميع كل مكرووه ودي |
رد: فرحة يتيم
فرح ,,لاهنت ياذووق وربي يسلم يمينك ودمت بسعادة وربي يوفقك ياالغلاتقيمي لسموك وتقديري ووردي لقليبك
|
رد: فرحة يتيم
فعلا قصيده مبكيـــــــه اشكركم على المرور نورتونـــــــــي
|
رد: فرحة يتيم
مؤؤؤؤؤؤؤؤؤؤؤلمه ماقدرت اكملها
تسلم يمينك يافرح والله يكون في عون الايتام |
رد: فرحة يتيم
من جد اليمه
صح السانك حرف |
رد: فرحة يتيم
قصيدة رائعه صح لسان قايلها
وتسلم يد من نقلها يعطيك العافيه |
رد: فرحة يتيم
اقتباس:
|
رد: فرحة يتيم
اقتباس:
|
| الساعة الآن 09:50 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
