جمايل وطنا
والله ما تحصى جمايل وطنّا = والفضل للي خصنا بين الاوطان خيرات ربي فيه منّا ومنّا =بر وبحر ما ينتثيمن بالاثمان رمله ذهب قبل التطور حضنّا = وحصاه فيه الخيرلو كان صيوّان من قسوة احجاره صفات معدنا =ولانه اساس صروح الامجاد ما لان اجدادنا عاشو بظله واهلنا = في بحره وبره على الشده أخوان بره منازل بدو منا وعنا = وبحره ملاه الله لولو ومرجان أنشد برياضه ونتبع ضعنا =إبل وغنم تذبح إلى حل ضيفان ان جا الشتاء في كل خايع نزلنا = وفي القيظ غاصه كل صعبٍ لنا هان ان شان وقت الناس بالطيب زنا =وأن زان زنا فوق زينه الا زان يوم العسر صنا ثراه وشملنا =بالامن والخيرات حضر ٍ وبدوان والدين وحدنا وفضله كفلنا =وعشنا اخوان بوجة الايام جدران واليوم نور العلم بدد جهلنا = ودرب العلا نمشيه لو كان ماكان ونستشرف المستقبل بقو املنا =بالله الاول ثم مجهود الانسان أنراهن ونتعب وتكسب رهنا =والواقع الحالي دلايل وبرهان اصبح على الواقع يشاهد علمنا = ورؤية الامير نشوفها شوف الانسان كانت مجرد حلم كانت وكنا = واليوم حققنا الاماني بالايمان بعزومنا صرنا نسابق زمنا =ونسبق وننجز ماعملنا بأتقان على عواتقنا الامانه حملنا =وحن قدها في كل محفل وميدان ومن قو صملة عزمنا لا صملنا =بالغصب عسفنا الصعايب بالارسان وللمجد حثينا المثير ووصلنا =حتى بلغنا مطلع النجم لا بان والخير كله بأذن ربي قبلنا = ومستقبل ٍ زاهر نشوفه من الأن الشاعر/ محمد بن فطيس المري أخوكم/ ابو راشد المري |
رد: جمايل وطنا
ان شـان وقـت الـنـاس بالطـيـب زنــا * وأن زان زنـــا فـــوق زيـنــه الا زان
- نبغى غزليه صح لسان ابو حمد ولاهنت يابو راشد - طلب صغير : تكبير الخط تعرف سلمك الله شيبان ههههههه والنظر ماهو بذاك الزين |
رد: جمايل وطنا
ٍٍ صح لسان الشاعر محمد بن فطيس ٍٍٍ
ٍٍ ويعطيك العافيه على النقل الرائع ٍٍٍ |
رد: جمايل وطنا
صح لسان ابن فطيس قصيده جزله والوطن يستاهل
لاهنت يابو راشد ض29 |
رد: جمايل وطنا
صح لسان البرنس
اللي ما يجيب الا الدر الثمين! وسلمت يمناك يا ابو راشد لا جديد الابداع حليفه دائما ! |
رد: جمايل وطنا
صح لسانك .. ابيات رائعه معاني جزله بانتظار المزيد من ابداعتك ربي يعطيك العافية |
رد: جمايل وطنا
صح السان بن فطيس والسانك
والوطن يستحق هذة وأكثر دمت بخير ثورة الزير |
الساعة الآن 07:05 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010