ياللي تناديني وانا اقــول لبيه =لبـــــيه ياحالي العنب مــــــاتــريدة
تكلمي قولي كلامك و لوهيـه= يفزع لك المامورعلى طول سيدة

شاعر مــحبتكم قصيدة يغنيه=يرسم تعابير الهوى في قصــيــــدة
ماكل من يهوى حبيبه يلاقيه=يحلم ويحلم والامـــــاني ســـــعيدة

وين الكلام العذب يابنت هاتيـه=ودي انا اسمع منك جمله مفيدة
انتي ملكتي القلب واللي بعدفيه=وشعاد باقي يالــــعيون الفريدة

انتي قبل يومين به شي قــلتيه=ليتك على مسمع حبيبك تــعيدة
وقلبي على يمناك بالله شيليه =تلقين بس انتي بقلبي الــوحيدة

من قصايدموسى ابومشهورالصايغ