|
سلمي على حبّ ٍ حرقني لهيبه
...............سلمي على حبّ ٍ حرقني لهيبه
......................................وسلمي على صدّ ٍ تجرّعت بلواه .............انتي الغلا وانتي الضنا والحبيبة ..................................... لكن ضاقت في جفا القلب سلواه ................يالله عسى قلبك يلاقي نصيبه .....................................يلقى الذي اتمناه في وسط يمناه .............ان يرحل السيد رضا من يجيبه ؟ ......................................عدّه كما غيم ٍ عبر عقب سقياه ...........كنتي الامل كنتي الرجا وكلّ طيبة ...................................والحين شي ٍ باهت اللون معناه ...........يا كم مرضت وكنتي انتي الطبيبة ............................. شوفك شفى عوقي و بالحضن داواه ...............كم انتظرتك والدموع الغريبة .................................والياه واساني وهو اسهيل واساه ...........قلبي عوى في ليل الاحزان ذيبه ............................. وان هو عوى هالذيب لا ترجي لقياه .................كلن يقلّي كيف خلّك تسيبه ...................................... واقول كلن بس يغني ع ليلاه .......بالشوق ما تدرون والشوق عيبه .................................... يحرق ولا شي الى اليوم طفّاه ...........يا خلّ لا اتعيش الحياه الكئيبة ..................................دوّر على اللي يصبر العمر بالآه ................ .......... ...... |
رد: سلمي على حبّ ٍ حرقني لهيبه
1- صح لسانك
2- لاهنت 3- تسلم يمينك 4- مشكور 5- قصيده جميله 6- الله يقويك 7- الله يعطيك العافيه 8- تقبل مروري . |
رد: سلمي على حبّ ٍ حرقني لهيبه
السيد رضاء مرحبا ومسهلا حياك الله ,,
صح الله لسانك وصح قلبك وكلك ولاهنت ,, لكن اتمنى انك تراجع القصيده زين لان فيها عدة اخطاء ,, تحياتي وكل تقديري لك ياغالي . |
رد: سلمي على حبّ ٍ حرقني لهيبه
مخاوي الدروب
شكرا لعبورك الراقي شرفت |
رد: سلمي على حبّ ٍ حرقني لهيبه
خالد
شكرا على عبورك اول شي دايما اتشرفني ف مواضيعي شكرا ثاني شي اذا في ملاحظات اتمنى انك تبديها وما في زعل بينا ان شاء الله الانتقاد الايجابي مطلوب دائما وشكرا |
رد: سلمي على حبّ ٍ حرقني لهيبه
هلا رضاء بلا شك النقد الايجابي مطلوب ,,
وانا اقول اني ماني بناقد ولاشي لكن اعتبر كلامي وجهة نظر فقط لاغير ,, انا اعدد لك الاخطاء وانت الحكم في الاول والاخير ,, سلمي على حبّ ٍ حرقني لهيبه وسلمي على صدّ ٍ تجرّعت بلواه هناء انت دون شك تقصد السلام منك ,, ولاهوب السلم بشكل واضح السلوم يعني ,, سلمي تكسر البيت ,, انتي الغلا وانتي الضنا والحبيبة , هناء انتي زايده لو كانت .. انت .. يكون سليم الشطر ,, يلقى الذي اتمناه في وسط يمناه , هنا كلمة اتمناه,, زايده,, والشطر كله يحتاج تعديل ,, كنتي الامل كنتي الرجا وكلّ طيبة ايضا ً نفس الشطر الي قبله ,, فيه زياده كنتي .كنتي. .................كلن يقلّي كيف خلّك تسيبه ...................................... واقول كلن بس يغني ع ليلاه الشطرين هاذي ماهيب في محل القصيده كـ معناء ,, لك تحياتي وتقديري ياغالي . |
رد: سلمي على حبّ ٍ حرقني لهيبه
شوف يا الغالي
وجهات النظر سواء منك او غيرك احترمها انا اوافقك في الصنف الاخير من كلامك وهو ان كلن يغني على ليلاه قد تفهم بمعنى آخر بحيث تفهم ان ما لها معنى يخص مضمون القصيدة وهو الهجر اما بخصوص ما سبق ذلك من كلامك فأنا ما اتفق معك فيه ابد اختلاف القراءة تكسر الوزن اما الوزن سليم 100 % تبا اقطعلك اياها بالعروض ما فيها مشكلة شكرا اخي الكريم على الاطراء والتقدير |
رد: سلمي على حبّ ٍ حرقني لهيبه
دامك تقول الوزن سليم يارضاء 100 % ,,
اقول هذى يكفيني ,, تحياتي لك ياغالي وفالك التوفيق . |
رد: سلمي على حبّ ٍ حرقني لهيبه
مرحبا مليون يا خالد
تسلم اختلاف القراءة فقط لا غير شكرا |
رد: سلمي على حبّ ٍ حرقني لهيبه
مبدع مبدع مبدع ولاهنت يالغالي
|
| الساعة الآن 08:35 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
