|
اهداء جديد بعد غياب ورجعنا لعيونكم
بسم الله الرحمن الرحيم
السلام عليكم ورحمة الله وبركاته والله اشتقنا لكم كثير وتسرني العوده بعد غياب طويل لظروف الدراسه الكلام كثير لكن يعجز اللسان عن التعبير تسرني متابعتكم في تويتر على حسابي abm94603541 سراني الشوق والا الهم سراني=ياقلب حضك كذا لو وقفوا دونك والدمعه اللي تساوي دم شرياني=تردها عزتي لا قالوا شلونك والحال عيى يصدق هرجة لساني=اقول طيب وكل الناس يفدونك واللي خذا القلب ثم قفى ولا جاني=بقول لك هرجة من قلب مظنونك تصبح على خير تقراني وتجفاني=واصبح على حالتي مشتاق لعيونك هذي هي الحال حبك وين وداني=قبل امس عاقل وهذ اليوم مجنونك |
رد: اهداء جديد بعد غياب ورجعنا لعيونكم
صح لسانك ياعبدالله شاعر جميل ولو طال بك الغياب
الا ان ثقلك باقي وتواجدك مرغوب نتمنى الاستمرار في عزف الالحان نتطلع للجديد يالغالي والف شكر على هذه الرائعه التي تشفع لك رغم كل شي |
رد: اهداء جديد بعد غياب ورجعنا لعيونكم
هذي هـي الحـال حبـك ويـن ودانـي ...قبل امس عاقل وهذ اليوم مجنونك
صــــــــــــح لســــــــــــانك |
رد: اهداء جديد بعد غياب ورجعنا لعيونكم
صح لسانك يا عبد الله ملاييين وما قصّرت
تقبل مروري وموفور احترامي أخوك عبد العزيز |
رد: اهداء جديد بعد غياب ورجعنا لعيونكم
وعليكم السلام ورحمة الله وبركاته ,,
ياهلاا ياعبدالله حياك الله والحمد لله على السلامه ,, صح الله لسانك وصح قلبك وكلك ولاهنت كم عهدناك جزل ,, تحياتي وتقديري لك ياغالي . |
رد: اهداء جديد بعد غياب ورجعنا لعيونكم
صح لسانك الله يوفقك ياعبدالله اخذنا
عنكم تويتر لكن لابد نشتاق ونرجع لكم بعد حين |
رد: اهداء جديد بعد غياب ورجعنا لعيونكم
الله الله عذوبه راقيه وعودة جزله
صح لسانك شاعرنا المبدع |
رد: اهداء جديد بعد غياب ورجعنا لعيونكم
صح لسانك اخوي
دايما المعاناه تاتي بالجزل يعني لازم نعاني عشان نبدع ؟ سؤال ما له اجابه الا عندك !!! |
رد: اهداء جديد بعد غياب ورجعنا لعيونكم
صح ابدانكم جميع ومشكورين على ردودكم
|
رد: اهداء جديد بعد غياب ورجعنا لعيونكم
عبدالله القحطاني صح لسانك خيي وتقديري ابيات رائعة تسلم يمينك كلك ذوق كل القصيد جميل يعطيك ربي ماتمني ولسموك وردوياسمين تقيمي لحرفك العذب وحياك ربي بيننا من جديدنورت بحضورك |
| الساعة الآن 01:47 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
