|
الرابح الي بالمساجد يصلون
الرابـح الـي بالمساجـد يصلـون والي سعى بالخيـر يلقـى جزاهـا الله يثبت من على الخيـر يسعـون والأرض باسطها ورافـع سماهـا والأدمـي لابـد بالقبـر مـدفـون ماتنفعـه كـل الدكاتـر ادواهــا وش عاد لو يملك كثر مال قـارون لـو ليـم الدنيـا حصيلـه شقاهـا والدايم الله واكثـر النـاس يـدرون والموت كم صفحه رجـالاً خذاهـا يدري بها الي بقدرته كـون الكـون صكات بقعـه تجيـه لـو مابغاهـا ناساً بها تشتـال وناسـاً يحطـون وافطن تـرا الدنيـا قليـلاً حلاهـا يصير فيها صاحي الفكـر مجنـون اليا انتهـى يومـه ودارت رحاهـا وكـاد ماقلنـاه وانتـم تشـوفـون ناسـاً تعشاهـم وناسـاً غـداهـا والي يكتب لك يابن الأجواد مضمون ولو اوجهت دنيـاك تعطـي قفاهـا عقـب المعـزه والمـوده يموتـون دارت على ناسـاً عزيـزن وفاهـا هـذا الكـلام وجعلكـم تستفـدون وهذي نصيحه قلتهـا لمـن قراهـا لشاعرها : دعسان غانم العنزي |
رد: الرابح الي بالمساجد يصلون
قصيده فيها الحكمه والنصائح الجميله
كل الشكر لك |
| الساعة الآن 12:29 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
