الملتقى الجماهيري للشاعر محمد بن فطيس المري

باقي مني ليل
........
بدر بن عبدالمحسن

.

باقي مني ليل..
وباقي ضي نجمه ما ذبلت..
باقي مني في المواعيد القديمه‪، ‬
الف ذكرى ، ما رحلت..
هاتي كل الحب..
هاتي الشوق كله..
وقابليني ،
فـ المكان اللي عسى قلبك يدله..
لي زمن ما قلت احبك.!
وباقي مني ليل

الليالي كلها عيونك
كلها نجومك ، سحابك..
من يقول اني سهرت الليل مره في غيابك.؟
ما يخلي الليل ليل ، الا حنانك او عذابك..
شوقي لعيونك ليالي..
طفي الظلما و تعالي..
هاتي كل الحب..
هاتي الشوق كله..

هاتي كل العمر.. انواره وظله..
باقي مني ضي صوتي..
وجمر احساسي..
كوني في صدري الشجن..
او كوني انفاسي..
ارجعي.. طول مغيبك.!
واسهري عيونه حبيبك..
انتي هذي الدنيا ، لكن..
مالها صفوك وطيبك..
وباقي مني ليل..
باقي.!

.............

.