|
جديدي بعد اغياب
بسم الله الرحمن الرحيم
السلام عليكم ورحمة الله وبركاته اعتذر عن الغياب بس ضروف على الله حلها وهذا جديدي يا ابيوت تبنى ما يطب بها الغريب قبل القريب اطلبك شلع اطنابها لو يمدح افعالك وفزعاتك قريب ماتدري العربان ذي من صابها لو ينطقون ان من يمينك وانت ذيب ايجاوبون ان يوم ما غنابها هذا الزمان يعيب من يكساه شيب واهل الرديه ماحدن يشقابها احدن يصيب الهرج واحدن مايصيب واللي سكن مكه تراه ادرابها الطيب كايد مايجي بالهرج طيب والمرجله ملك اللذي يسعابها والذم صار اليوم مثل اكل الزبيب للي تقدر ناسها واحبابها والذيب ساقه منكسر وابلا طبيب كل الجبال النايفه عوابها دايم خلاوي فالزمان ابلا صحيب ان طاح والا علتن يبلابها الناس تطرب يوم تسمع له قنيب لاكن ماتدري يويش اسبابها ماحدن رفع بالصوت رفع الصوت عيب الا تشوف السيف فوق ارقابها يقنب وانا بقنب من الوقت العجيب يوم القرايب ماتدل اقرابها ادل من هو بالزمن مليان جيب واللي يخاويه المكاسب جابها والرفقه اللي وقت عزك ماتغيب لاطحت متوازي شطيرن نابها وشخص اتهقابه يمكن يصير الطليب والفكه اسلم لك تدور بابها وقتن غريب ويشعل اليوم اللهيب واهل الوفا منه يزود اعجابها شوف الشباب اللي عملهم مايطيب بين السهر والنوم والا العابها كانوا قبل فريس واصغرهم لبيب والصيده الدسمه يمكن اصوابها واليوم لا وافي ولا تلقى عريب انته تشوف اشلون حلق اشنابها والا البنات الزوم تنفيخه وطيب وتشدد الوجه ومعاها تابها من عقب ماهن كانن اجمل للحبيب تزين دوم بكحلها وخضابها صارت مع الموضه عسى الموضه تخيب واللي يوجها يثير اعصابها مابين سوق وبين مستشفى بريب اتشوف تسحب خلفها جلبابها الا اللذي مهديه ربن يستجيب دعوة مصلينه ومن صلابها الشمس لو تشرق تبي ترجع تغيب من ينتبه لشروقها واغيابها يحيى البناقي |
رد: جديدي بعد اغياب
وعليكم السلام ورحمة الله الشاعر يحي الاسيود قصيدة رائعة تحكي مشاكل عصرنا وكيف تغيروا الناس الا من رحم ربي لا هنت شاعرنا على هذه الابيات الجزله تحيتي وتقديري وتقيمي |
رد: جديدي بعد اغياب
ابداع يايحيى .... ابدااااع
جازت لي القصيده وصاحبها واخص بالذكر.. اقتباس:
|
رد: جديدي بعد اغياب
صح ابدانكم وشكر لكم ردودكم الجميله
|
رد: جديدي بعد اغياب
شاعر متمكن ولا فيك حيله مشاء الله تبارك الله
هذا هو الشعر |
رد: جديدي بعد اغياب
صح لسانك على هالمعزوفه الرائعه لاتحرمنا من جديدك
تقبل مروري ولك وافر احترامي وتقديري |
رد: جديدي بعد اغياب
صح لسانك
قصيده اجتماعيه معبرهـ |
رد: جديدي بعد اغياب
عليكم السلام ورحمة الله وبركاته,,
مرحبا ومسهلا بالشاعر يحيى يالله حيه,, صح الله لساانك مليون ولاهنت شاعر متمكن ومبدع,, كما عهدناك طال عمررك وأتمنى الميزيد والمزيد من إبداعك,, تحياتي وتقديري لك ودمت بخير. |
رد: جديدي بعد اغياب
يحيى الأسيود
إبداع حد الثماله قصيدة من العيار الثقيل صح الله لسانك مليارات ولا يكفون ولا هنت ولا هان نبضك تقبل مروري بكل الحب كما أحب وتحب. |
رد: جديدي بعد اغياب
أخي القدير
يحي الأسيود لاهنت وعتلا شانك قصيدة جميلة تسلم يمينك خيي ويعطيك ربي العافية سلم قلمك وفكرك ورقي حضورك وردالكون لقلب يسكنك دمت بسعادة |
| الساعة الآن 08:45 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
