شيله سولفوا تكفون لا عاد تسكتون .,.
 

السلام عليكم ورحمة الله وبركاته ،،

من آروع قصائد آبو حمد وآقربها لقلبي ..

سولفوا تكفون لا عاد تسكتون
قبل لا اهوجس وياتيني بلاي



السكات يزيد طعوني طعون
وتنكسر لاجا على راسي عصاي



سولفوا لو مابغيتوا اتسولفون
قبل لا اقعد في الحزن رايح وجاي



واضحكوا لو بالعماله تضحكون
وجاملوني لو يضايقكم حكاي



لي وليف ٍراح جعله مايهون
هو دواي وداي أو داي ودواي



راح لكن طيف زوله في العيون
مرةٍ قدامي ومرة ٍ وراي



وان سكتوا جا وهو طيفه يمون
رحت أهوجس له وأبين له ولاي



مكسب عيوني من الفرقا مزوون
تمطر لطاريه والبرق اصدقاي



كل ماطروه لو هم يمزحون
احرموني من غداي ومن عشاي



ادري انه ماتناسى الود كون
تسمع اذنه في قفاي السن عداي



وكانهم قالوا نسيته يكذبون
والا انا فيه أمتلك نظرة وراي



كان حبه لي على خبري مصون
والله ان كني بقدري وبغلاي



ذي بقايا الحب وأطلال الجنون
والله أعلم في ضميره وش بقاي



غير طيعوني ولاعاد تسكتون
والا والله ان اسمعكم بكاي


وهذي الشله بصوت المبدع : محمد بن زميع


[youtube]http://www.youtube.com/watch?v=6dsYpjA_blw[/youtube]



:)

رد: شيله سولفوا تكفون لا عاد تسكتون .,.
 

صوت رائع واللي زادها روعه انها من كلمات ابو حمد


بيض الله وجهك يالغاليه

والله لايهينك


لك اعذب تحيه

رد: شيله سولفوا تكفون لا عاد تسكتون .,.
 

ووجهك آبيض ..

ولآهنت على المرور ..

رد: شيله سولفوا تكفون لا عاد تسكتون .,.
 

يسلمووو على طرحك

الف شكر لك
ماننحرم من جديدك يارب

لاهنتي

رد: شيله سولفوا تكفون لا عاد تسكتون .,.
 

الشكر لمرورج يآلغلا ..

رد: شيله سولفوا تكفون لا عاد تسكتون .,.
 

رد: شيله سولفوا تكفون لا عاد تسكتون .,.
 

رد: شيله سولفوا تكفون لا عاد تسكتون .,.
 

ولاهنتـوآ آسسعدني مروركم ..

رد: شيله سولفوا تكفون لا عاد تسكتون .,.
 

انثى


ربي يعافيك على النقل الجميل


والشيله الرائعه بكلماتهاا



ودي لك

رد: شيله سولفوا تكفون لا عاد تسكتون .,.