لا تشتكين الصوت يا دمعة الياس=الصوت بح وما بقى فيه طاقه
لا جيت ابا ابين همومي على الناس=ضج الفكر واجتاح غاية نطاقه
يالله تفرج كل ضيقه بالانفاس=القلب يا رحمن ملوي وثاقه
ما لي بخوة خاسي الطبع والساس=اللي على فعل الخنا له علاقه
ادير فكري واجمح بدون مقياس=وارافق اهل العز واهل الطلاقه
شفت العرب ما بين صادق وبلاس=واخترت تجنيب الخسيس برواقه
القلب مما صار مبلي ومنحاس=والضيق شرع للحنايا سباقه
اسطر حروف الشعر جوف كراس=حتى كسا صوتي معاني الرفاقه
ما غيره اللي يفزع بحل الاغلاس=ويواسي اللي حطم الوقت ساقه
شليت من بحاته اليوم نبراس=خلاص مالي في المآساه ناقه
ارعى ذلولي بين طيات الانفاس=واعالج هموم الشقى باللباقه
راعي ظفر راعي نقى رافع الراس=شريف ساس العز فيني غلاقه
مالي على رفقة هل الذل مجلاس=حتى ولو ساق النقى في سياقه
وراع الظفر لو كان وسواس خناس=افارقه من دون شك وخلاقه
(خلاص) يا حبر القلم جف الاحساس=والطيب باقي لو تزيد الحماقه

صح الله لسانك يالابدآآآع

اهنيك على هذي الابيات

يالجزل

~