الملتقى الجماهيري للشاعر محمد بن فطيس المري

.

ألا يا رفيقي لا تلفّت على الانجاس

ليا صرت من قومٍ بعيده مداركها

من يطرد هروج الخلق محصوله الافلاس

يعوّد من الخيبه كفوفه يفرّكها

واصحاب الردى لا صار ما تقدّر النوماس

على اهل الوفا عوج الحكايا تفبركها

تروّج علومٍ ضايعه مالها مقياس

وتلقى خبولٍ بالمجالس تشاركها

وقوي العزايم ما يهمّه كلام الناس

يسوق الطموح لغايته لين يدركها

ليا صار له شوح بعيدٍ وطيب راس

زمول الهقاوي للفشل ما يبرّكها

يداحم على الدنيا بعزمٍ وقوّة باس

ويجابه ظروفه ويتصدّى معاركها

صحيح الهبوب تهب وتطيّر القرطاس

لا شك الجبال الراسيه ما تحركها

-

الشاعر/ خليل بن هدلان

.