عينـــي عليك تغار من لبسك الثوب =وتغـار لامنك لبـست العـبايه
وحملتني يامايس القد بذنوب =وفضحتني مابين كل اقربايه

من سبتك قمت البس الثوب مقلوب=وحطيت فيني شي لاواعنايه
وش يسعدك لاقالوا غاليك مسلوب = حلو الكرى ماعاد لي فيه غايه

كتبت فيك ابيات صخري ومسحوب=وناديت ولكـــنك مطنش ندايه
و غنيت لك ايوه وغنيت ايوب =متى متى بس تلفت يـــــاهوايـــه

حبك بقلبي يااتلع الجيد مصبوب =ولمحبتك طنشت كل من ورايه
وهالحين انادي لك من شمال وجنوب=وكتبت لك جزل الكلام بعنايه

من (قـــصــايد - مـــــــوســى ابومشهورالصايغ