الملتقى الجماهيري للشاعر محمد بن فطيس المري - قالت علامك تلبس شماغ وعقال ؟؟ انت بدوي << ؟؟ قلت بدوي ومن حموله ...

- ساحة القصائد والقصة والخواطر المنقولة (http://www.m-f6es.com/vb/forumdisplay.php?f=17)

قالت علامك تلبس شماغ وعقال ؟؟ انت بدوي << ؟؟ قلت بدوي ومن حموله ...

قالت ترى منت بحلو قلت رجـال
والزين ماهو من شروط الرجولـه

الزين يلقى عنـد لباسـة الشـال
والرجل زين ان كان زانت فعولـه

قالت علامك تلبس شماغ وعقـال
انت بدوي؟قلت بدوي ومن حموله

ما ألبس بناطيل لها الوان واشكـال
وامتر الشـارع بعرضـه وطولـه

قالت اجل راعـي معاميـل ودلال
شرب القهاوي تحسبونـه بطولـه

كيفي يابنت الحضر دله وفنجـال
وحليب خلفـه بالمـراح معقولـه

وحب الكرم والجود وعلوم الابطال
مغروس فينا من زمـان الطفولـه

قالت ترى بنت البدو حظها مـال
قلت احذري حذرا تكوني جهولـه

بنت البدو يابنت مضرب للامثـال
فوق الجمال وطاعـة الله خجولـه

ماحطت اصباغ ولا حطت ظـلال
ولا سيرت بالسوق سيـر مهبولـه

هي مهرةٍ تصعب على كل خيـال
وانتي ومثلك عسفهـن بالسهولـه

قالت تغزل بي وشف حبة الخـال
ناظر عيوني والرمـوش الكسولـه

قلت العفو مايجتمع حب وهبـال
ولكـل ذوق فالمزاييـن جـولـه

قلتي وقلت وكلمة الصدق تنقـال
الزين ماهو من شـروط الرجولـه

للشاعر : حمود المطيري

/
/
/
/

مم راق لي