الملتقى الجماهيري للشاعر محمد بن فطيس المري - عسى الله يعطي كل حيٍ على ضنه ..

- ساحة القصائد والقصة والخواطر المنقولة (http://www.m-f6es.com/vb/forumdisplay.php?f=17)

- - عسى الله يعطي كل حيٍ على ضنه .. (http://www.m-f6es.com/vb/showthread.php?t=3077)

عسى الله يعطي كل حيٍ على ضنه ..

عسى الهون لأهل الهون والجود لأهل الجود
عسى الله يعطي كل حيٍ على ضنه
؛؛
وعسى اهل النوايا الباطله والقلوب السود
يعاقبهم الله مايدخله الجنه
؛؛
حشى مايجدد لك جروح الحشا ياكود
اليا جت من اللي ماتوقعتها منه
؛؛
تصبرت اخاف من المشاريه والمنقود
وانا مؤمن ٍ واصلي الفرض والسنه
؛؛
اقدر واسامح واحسب نقصها والزود
الين يتمادى بالخطأ راعي العنه
؛؛
واحب الصميدع واذخره فزعة المضهود
واداري عليه من المناقيد واحنه
؛؛
وفعل الوفا مني إلّراع الوفا مردود
ولاهوب لاكني إليا صار لاكنه
؛؛
هواجيسي وشعري كما النار والبارود
ومن غير لاعمّر من التتن واكنه
؛؛
على ماقسم ربي وجودي من الماجود
احفر الصخر واصخر القاف لين انه
؛؛
يجي سلسبيل ٍ حالي ٍ صافي ٍ قرهود
ومثل الجنيهي في بريقه وفي دنه
؛؛
وهبني جزيل المد والفضل للمعبود
ولاغير وهاب الوهايب له المنه
؛؛
على طول حبل المعرفه حبلها ممدود
وعلى كل فن وكل فنان له فنه
؛؛
ادور عليها درب لو دربها مسدود
وادندن واجر الصوت واطوح الونه
؛؛
طموحي ولو دونه حنين ودويّ رعود
ولو صار مهما صار ماعني وعنه
؛؛
لعين الهنوف الفارع ام العيون السود
وذيك الجدايل والشفاتين والبنه
؛؛

راقت لي ..s7s7