حيا الله اللي يغيب ويسـرع الـردة
اللـي يجينـي الـى منـه تباطانـي
قلبـي يـوده وحالـي كنهـا القـدة
ودي بشوفه ودونه حـوم عقبانـي
ياصاحبي جارك الله ويش هالصـدة
ماهـوب حـق تولعنـي وتنسانـي
وان كان عند ك حكى بي خامل السدة
فانت المصدق وانا حقي وما جانـي
اهرج على ما تورى والبخـت بـده
لاتستحـي يابعـد حيـي وحيـانـي
ترى حلاة الهـوى لاطالـت المـدة
ماهوب يوم صديق ويـوم قومانـي
وان كان ما انت مصافيني على الشدة

حي الله اللي يغيب ويسرع الرده =اللي يجيني الى منه تباطاني
البيت ذا خابرن مضنوني يعده =وان غبت بالبيت ذا قام وتولاني
واليوم مضنون عيني غاب له مده =وأرسل له البيت والتقرير ماجاني
وأقول في خاطري هو صد من جده =وأرب عاده يروعني ويلعاني
يعني جميع الغلا اللي جاه ماسده= ولا كفاه إن حبه شرب شرياني
جعل الحزن والسهر والضيقه تحده=يطلع ارقام ربعي واصغر اخواني
ثم يتصل بي واشوف الرقم واسده= وأقول ياموت ذق ماذقت بلساني
وأنا تراني من الشحنه على حده=لكن خله جزا له يوم يجفاني