|
هــبــوبـ الــ ح ـــزن
هبت هبوب الحزن والحزن مقسوم للآدمي حتى تطابق عظامه! وأنا اتنفس منه، لـو كـان مسموم واللي يشمه ما يشم السلامه! يام اعيش بخير، وأيام مهموم واللي مطيحه صعب، يصعب مقامه كم لي وانا في خاطري زحمة علوم وكـم ليل ضيعني تشابك ظلامه ما نيب فـي ذله ولاني بمعدوم أملك وجه، لكن بدون ابتسامه ابعد لزوم ان جيت له شبه ملزوم اقرب لراسي مـن خيوط العمامه لو ان قلبي ف..آخر الوقت مظلوم زودت حمله لين ضاع اهتمامه! حوله حمام يحوم واشواقه تحوم حر، بلا برقع لمح له لثامه! لا اقبل على اللي شافها اقبال محروم نتفت حبه مـن جناح الحمامه مابيه يرجع لي مـن الحب مصدوم ولا ابيه يفقد ف.. القلوب، احترامه ماله ومال الشك والخوف واللوم وصمت يـرده لايكمل كلامه! يبقى بقفص صدري مقدر ومحشوم مقيم وآمله دوام الاقامه وانا بفصلّي مـن احلامي هدوم من خام صبر، ومن خيوط الصرامه والله ما اغبط غير من يقضي اليوم من البيت.. للمسجد.. لمبنى دوامه! ولا الحياه ظروفها دايم الدوم خلف الحزين، وفوق راسه، وامامه! قلبي قبل (20) ماهوب موسوم واليوم له في كل قفله، علامه الحزن ماهو اللي يردك عـن النوم بالعكس انا لاشان يومي آنامـه لكن ياعمري تريح ومخدوم لاتلحق أيامك عشاني ملامه! وان كان لي فرحة تكفي لها يوم ياربي اجعلهـا ليوم القيامه! |
رد: هــبــوبـ الــ ح ـــزن
قصيده رااائعه
صح لسان شاعرها وتسلم يمينك يالمبدع على هالإنتقاء الرااائع الله لايحرمنا منك ومن جديدك . |
رد: هــبــوبـ الــ ح ـــزن
عبدالعزيز يعطيك العافيه على الطرح المميز والابيات التي في قمة الروعه والجزاله ولاعدمناك جديد ذاائقتك
|
رد: هــبــوبـ الــ ح ـــزن
صح لسان ا لشاعر
ولاهنت ياعبد العزيز على هالإختيار المميز |
رد: هــبــوبـ الــ ح ـــزن
؛ صح السان الشاعر قصيده جزله وكلمآت رائعه ومنتهى الروعه سلمت الآيآدي على جديدگ الرآئعِ.! دمتِ / ودآم حرفگ ِ.. ؛ تحياتي : كويتيه مجروحه |
رد: هــبــوبـ الــ ح ـــزن
××
تشكي حزن الايام وزوال الفرحه لابد ان يجي يوووم بعد ليل الاحزان وتشرق فيه شمس الفرح الحياه مااهي دوم على وجه واحد كل يوووم لها شكل ولون اصبر ومصير الاحزان تنجلي الصحرى إذا جفت وباح ماها لابد تجيها سحابه صيف تسقيها وترجع وتزهر ارضها احنا كذا ياابني ادم يموت الفرح فينا ولكن يجي يوووم ويحيا وبشرق علينا والبسمه تعووود اصبر ولا بعد هم الا فرج بإذن الله ×× |
رد: هــبــوبـ الــ ح ـــزن
نقل موفق وصح الله اللسان شاعرها
ولاهنت يالقرم على التميز في حضوورك |
| الساعة الآن 01:02 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
