يالغضي ما غير شوف وحر جوف=خل سلامي من بعيد الى بعيد
يوم اقوله والله ان ما هو بخوف =لكن الشيمة لها عندي رصيد
ما اشين الفرقى وانا عيني تشوف =وما اشين الذلة وانا قلبي حديد
ما مضى فالوقت ما هو بـ مخلوف=وكل ما قد فات يمحيه الجديد
خابر ان قفايته ما هي بعوف =غير ما جاته على ما هو يريد
كان وسط القلب ممنوع الوقوف=وانت جيت وضاع قانون" تليد
ان نشدته قال لي هذي الضروف =يتغلا وهو يخابرني عنيد
الغلا زاهيك يا زين الوصوف =يا خشيف الريم يالزين الفريد
زاهي الحنا مقاديم الكفوف=يا حسين الوجه يا عنق الطريد
يا نحيل الخصر ريان الردوف=يا ابليس الحب شيطانك مريد
والله لولا خاطرك ان قد يشوف =من يحجرك صادق الموت الشديد

صح لسانك ياراشد وبيض الله وجهك
قصيده قمه ياسلام عليك .. اعجبني جدا ماتقوله هنا

كان وسط القلب ممنوع الوقـوف
وانت جيت وضاع قانـون" تليـد

الى الامام ياذيبان

المشاركة الأصلية كتبت بواسطة أبو مشاري (المشاركة 48912) الله الله .. صح لسانك يارشد .. لاهانت قريحتك على هذه النص الشامخ .. تقبل مروري واعجابي بطرحك .. تحياتي لك . أبو مشاري

المشاركة الأصلية كتبت بواسطة أمير الشريف (المشاركة 48916) صح لسانك ياراشد وبيض الله وجهك قصيده قمه ياسلام عليك .. اعجبني جدا ماتقوله هنا كان وسط القلب ممنوع الوقـوف وانت جيت وضاع قانـون" تليـد الى الامام ياذيبان

المشاركة الأصلية كتبت بواسطة سمـ المراجل ـو (المشاركة 48919) الله الله ياراااشــــد ابيات في قمة الجزاله والعذوووبه صح الله لسانك ولاهنت تحياتي