الملتقى الجماهيري للشاعر محمد بن فطيس المري - ياقلب انا بلشت بك .. وين اوديك ..

- صوتيات وصور التراث (http://www.m-f6es.com/vb/forumdisplay.php?f=38)

- - ياقلب انا بلشت بك .. وين اوديك .. (http://www.m-f6es.com/vb/showthread.php?t=4637)

ياقلب انا بلشت بك .. وين اوديك ..

السلام عليكم ورحمه الله وبركاته ....

خلف المشعان /ياقلب ................

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

::: يا قلب :::

ياقلب انا بلشت بك .. وين اوديك ؟؟
شيبت بي ياقلب .. من صغر سني

اسعى وراك .. وخيب الله مساعيك
من طيبتك .. ماشفت .. غير الهبني

ياكثر ماتجـني .. عليه هقاويك
من حسن ظنك .. بالبشر ساء ظني

اعطيك غيري .. لجل مايحتفظ فيك
وترجع تقول : اللي خذاني طعني ..!!

طيب شسوي بك .. ؟.. وهذي امانيك
اللي جرالك منك .. ماهوب مني

تسد باب .. وتنفتح لك .. شبابيك
وكل ماتهزك عاصفه .. تمتحني

بلشت بك .. بلشـة هل الديك ، بالديك
اللي بغى يذن .. وصبّح يغني ..!!

تسري ورى النية ( وأتولِي ) مساريك
حتى قتل صبحك ( ظــلام التبني )

الى هنا وآقول ..( بسّك ) .. ويكفيك
رد الكلام .. ووصل العلم عني

ماني تبع هذي ، ولاني تبع ذيك
لاجا الصحيح ... اثنينهن يتبعني