المشكله لاصار حبك لايزال ومن قديم!=ثم شفت من حبيتها تمشي بوسط عيالها
 

المشكله لاصار حبك لايزال ومن قديم! ***ثم شفت من حبيتها تمشي بوسط عيالها

تبي تمنا وقتها ماعشت وان أمك عقيم ***ودنيا البشر تصغر بعينك برّها وجبالها

كنت آتحرى وادعي الله( بين زمزم والحطيم ) ***وأثر العمانيّه سرت بخطامها وعقالها

جالي ثلاث اسنين انادي من خبرلي عنز ريم؟ ***ولّا ذلول لا قربتوها يزيد جفالها
مرباعها بين الرياض وبين شقراء والقصيم ***ولو آتكلم طول ليلي ما ذكرت أخصالها
عذرىٍ يناديها ابوها يامزعّلت الحريم *** أليا قبلت والليل يقفاها وجات لحالها
مثل العبيّه يوم تنصى الخيل والليل العتيم ***صوت العزاوي دونها (والخيل من خيّالها)
كانت على خبري منول لاتظام ولاتظيم ***لين انقطع رد الرسايل وانقطع جوالهـا
أقفت وشلفا جدّها في وسط قلبي بالصميم ***(وابو محمد ) من سببها حالته يرثالها
لو استباحت دمعة الأيتام في عين اليتيم *** ماساقت غيوم المواجع لين صك إخيالها
الله يبيح اللي مضى ويصبر القلب الحطيم *** مانيب ناشدها وش ابطاها ولا وش حالها
مغير أصبّر خافقي وأقول لاهب النسيم *** ياليتها في عيد الأضحى ماعطتني شالها
خيالها بين الضلوع العوج وعروقي مقيم *** أنا أقرب الها من شفاياها وحبة خالها
ياهيه يالعقل السليم اللي يسمونك سليم ***لا ضاقت الدنيا عليك (يحلّها حلّالها)
ماني معارض للقدر وأستغفر الله العظيم ***ياليتني زوج الهنوف وليتنـي رجالهـا

رد: المشكله لاصار حبك لايزال ومن قديم!=ثم شفت من حبيتها تمشي بوسط عيالها
 

عنــــــــــــــاد المـــــــــري ذوووووق يا الشيخ رااائع سلمت لنا نقلت التي اضاافة لهذا القسم رووونق من نوع اخر

رد: المشكله لاصار حبك لايزال ومن قديم!=ثم شفت من حبيتها تمشي بوسط عيالها
 

من قاال يسلم

شهاده اعتز فيهااا

ولاهنت على المرووور المميز

رد: المشكله لاصار حبك لايزال ومن قديم!=ثم شفت من حبيتها تمشي بوسط عيالها
 

صح لسانه ملايين..

بــــــري حااالي..

جزلــة من جزل ووافــي..

يعطيك العافية وتسلم يمناك على النقل الطيب..

رد: المشكله لاصار حبك لايزال ومن قديم!=ثم شفت من حبيتها تمشي بوسط عيالها
 

الله يعاافيش

من قال يسلم

لاهنتي على المروووووورش الطيبه والمميز

رد: المشكله لاصار حبك لايزال ومن قديم!=ثم شفت من حبيتها تمشي بوسط عيالها
 

انتقاء بقمه الروعه


دمت بسعادة لا تنتهي

رد: المشكله لاصار حبك لايزال ومن قديم!=ثم شفت من حبيتها تمشي بوسط عيالها
 

.., عنااااد المري

يااااويل قلب المعنااا

عز الله انه تشيب الراااس ياعناااد

مبدع واكثر من مبدع لاعدمت هالذوووق الرااقي

تقبل مروري ولاتحرمنا جديدك

رد: المشكله لاصار حبك لايزال ومن قديم!=ثم شفت من حبيتها تمشي بوسط عيالها
 

سلمت اناملك
عالطرح الراائع والمميز
بانتظاار جديدك بكل شوووق
مودتي لك

رد: المشكله لاصار حبك لايزال ومن قديم!=ثم شفت من حبيتها تمشي بوسط عيالها
 

رد: المشكله لاصار حبك لايزال ومن قديم!=ثم شفت من حبيتها تمشي بوسط عيالها
 

خيالها بين الضلوع العوج وعروقي مقيم *** أنا أقرب الها من شفاياها وحبة خالها
ياهيه يالعقل السليم اللي يسمونك سليم ***لا ضاقت الدنيا عليك (يحلّها حلّالها)



ذوووق رائع

والله يعطيك العافيه