الملتقى الجماهيري للشاعر محمد بن فطيس المري - هذي الشهاده ياوطن وين الوظيفه يا وطن ؟؟

- صوتيات وصور التراث (http://www.m-f6es.com/vb/forumdisplay.php?f=38)

- - هذي الشهاده ياوطن وين الوظيفه يا وطن ؟؟ (http://www.m-f6es.com/vb/showthread.php?t=5611)

هذي الشهاده ياوطن وين الوظيفه يا وطن ؟؟

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

الهمّ ضيّق خاطري ولا جداي الا الغنا
حتى الغنا لك الله انه يزيد ضيقي والحزن

واللي تعنا واجتهد يبغا الجنا وين الجنا
خمسة غروس اسقيتها بيدي ولكن ما أثمرن

ما أغير اناظرها عسى تثمر وتجلب لي الهنا
تعبت عيوني وابطت غروسي وانا بشكي لمن ؟

ياموطني يالموطن اللي ماعرف مجدك فنا
خيرك وصل اقصى البلاد العالميه والمدن

ياموطني انا هنا انا هنا انا هنا
لدك لما بعد الحظن ينسيك من وسط الحظن ؟

ياموطني ظلم علي الوقت .. وأتحرّا السنا
ويزيد في عمري زمن ويروح من عمري زمن

ابغى ارضي الشيبان وارضي خاطري بشوف الظنا
لكن مابه حيلةٍ في اليد ... ياشين الغبن

طقيت باب الرزق لكن مافتح والله لنا
كنه يقول : السير يافهمان لازم يندهن

طقيت باب الرزق لكن مافتح والله لنا
كنه يقول : افلح وجب لك واسطه ولا استكن

قلت اشهد ان لي واسطه والواسطه يابو جنا
حب الوطن والروح في حب الوطن تدفع ثمن

افديه وآقف درع قدام الهنادي والقنا
ولو تركني فالمحن ؟ فلا تركته فالمحن

فقير ماشفت الغنا ولاني من عيال الغنا
لكن اذا صاح الوطن ؟ اتسلف ريال الكفن

أثور من دونه وانا سعودي وانا طيّب جنا
مايشكك في ولائي فالسريره والعلن

ياموطني .. هذا عتاب أحباب .. جعل اللي شنا ؟
يلقى البليه والمصيبه والمهونه والوهن

خمس اسنواتٍ عشتها عاطل ولا هو بس أنا
كم فيه من عاطل بوسط الوقت همّش واندفن

نلت الشهاده والفرح برقه سبق رعد العنا
هذي الشهاده ياوطن وين الوظيفه يا وطن ؟؟

(عتآب عآطل )
للمبدع سعيد بن مآنع . .
أعجبتني .. أتمنى تعجبكم . .

للتحميل .
([فقط الأعضاء المسجلين والمفعلين يمكنهم رؤية الوصلات . إضغط هنا للتسجيل])