يا نزف الاقلام لا تجرح صميم الشعور=ما عاد في جوف قلبي غير ضيم وعنى

اكتب من حروف شعري للخلايق سطور=وابروز احلام ليلي جوف عيني وانا

ما كنت احسب على ذا الكون غيري غيور=لين انتهى بي مطاف العولمه وانثنى

دستوري اللي جعلته فالحنايا يدور=همش تعابير حزني بالفرح والغنى

يا سلم الحظ كم ذا وانت دايم دبور=غرست فيك السعاده دون لا القى جنى

الصوت عدا مجال الصوت واقفاه نور=ثم شع بالهاجس المبتور هم الفنى

يا قاتل العلم يا مضمي خضار الجذور=لا عاد تهدم ما دام ان غيرك اللي بنا

لو احسب اللي مضى لي فالزمن من كسور=ما كان عينت لو يومٍ مضى في هنا

الجسم والحظ والهاجس غدو في فتور=والصبح مهما يطول الليل نوره دنا

كلام خلق الله يخالطه ريبٍ وزور=والراس لله وحده يالرفيق انحنى

اجمع همومي الغبرا واريد العبور=والوقت يضرب على راسي بحد القنى

يالشاعر اللي تشد الصوت خل الغرور=الشعر وهبه من الله والفقر والغنى

يا سلم الحظ كم ذا وانت دايم دبور غرست فيك السعاده دون لا القى جنى