الملتقى الجماهيري للشاعر محمد بن فطيس المري - لو كنت اتعرف ويش معنى الانتظار؟

مادريت ان الهـوا لعبتـه لعبـة كبـار

لين شفتك راجع ٍ لي عقـب ذاك البطـا

جيتني من عقب ماصار بالشوق انحـدار

وفي عيونك دمعة ٍ تعترف لـي بالخطـا

جيت متأخر وانا عقبك اسدلـت الستـار

مابقـا فينـي محبـه ولا عنـدي عطـا

انتحيت مـن المـوده وغيـرت المسـار

صرت الوم النفس وشلون حبك بي سطا

انت لو كنت اتعرف ويش معنى الانتظار؟

كان دوّت صرخة ٍ طيّرت سرب القطـا

إصدمتني كذبة ٍ جات فـي عـز النهـار

لين وقفت القدم فـي مكانـه مـا خطـا

ليه تكذب بالمشاعـر وتلعـب بالقـرار؟

وانت خابرني من سنين لك ستر وغطـا

ليه حديت القلم يكتـب بيـوت ٍ قصـار؟

وانت تدري فارس الشعر للخيـل امتطـا

هاك منـي كلمـة ٍ تنفعـك يالمستشـار

من عزيز ٍ عز نفسه من اول مـا شطـا

من حشم نفسه عن العيب يبشر بالوقـار

ومن مشا درب الرذيلـه يعـوّد للوطـا