الملتقى الجماهيري للشاعر محمد بن فطيس المري - فـي ذمتـي ذمـه وذمــه وذمــه

- - فـي ذمتـي ذمـه وذمــه وذمــه (http://www.m-f6es.com/vb/showthread.php?t=777)

فـي ذمتـي ذمـه وذمــه وذمــه

السلام عليكم ورحمة الله وبركاته

اسعد الله اوقاتكم بالخير والعافيه

اقد لكم هذه الابيات الرااائعه والتي رااااقت واتمنى ان تنال على ارضاء ذااائقتكم الشعريه

للشاااعــــر:حمد بن صالح المـــــــري

ليـه منـده كـل سـاعـة وانـاديه
وليـه منشـد عنـه واشيـل هـمـه

وانا يخوى راسـي لصوتـه وطارية
واحـاول اعيـده بـراسـي والـمـه

وان غاب رحت احرق خفوقي واحاتيه
واقـول ويـن الديـره الـي تضمـه

اطـرح بمسباحي شريـدة بواقـية
مغيـر اشيلـه فـي يمينـي والـمـه

مانـي بمتولـع لكـن مـيـتٍ فـيه
فـي ذمتــي ذمــه وذمــــه وذمــــه

لـو ان حبـه سـم وتـمـده يـديهـ
علـي الحـرام انـي تقهويـت سمـه

هــذا مجنـنـي غــلاه وتعلـيـه
شوف العيون من ازرق الدمـع جمـه

من كثر منشد عنـه واتبـع خطاويـة
كنـه غريـمٍ لـي وطــلاب دمــه

قـدام يولـد ليتنـي عـارف ابـيـه
والا اني اكبر من كذا واعـرف امـه

حتـى ليـا مـن قيلـي وش نسميـة
اقــول هـمـه للمـولـع وغـمـه

صرت اسمعه واصغي لهرجه واجاريه
صلى بوجهـي شـرق والنـاس يمـه

واحـب منهـو جايـزٍ لـه ويبغـيـه
واذم منـهـو مايـبـيـه ويـذمــه

يعنـي بصراحـة صايـرٍ منـه وفيـه
كنـي مـن الادنين والا ابـن عمـه

وليـه منـده كـل ساعـه وانـاديـة
وليـه منشـد عنـه واشيـل هـمـه

الا ليـا نـادى علـي قـلـت لبـيـه
ولبـى البـلاد الـي ثراهـا يضمـه