|
أزريت بي والله يا ليل غدّار !!
بسم اللَّه الرّحمن الرّحيم السلام عليكم ورحمة الله وبركاته، وبعد، فهذي قصيدة تحكي هموم تكالبت عليّ وانا اصارع السّهر << كيف الأسلوب بس ض27 .. الزبدة انّي أقول في القصيدة: أَزْرِيــــــتْ بِـي وَالله يَالِيــــــلْ غَدَّارْ *** يَطْــرِيْ عَلَيّْ اَنْـعِسْ وبِيدَكْ رقَادِي أَقْلِـبْ عَلَى الْجَنْبِيــنْ والْبَــالْ مِنْهَارْ *** مِنْ هَاجِسٍ قَادِمْ وهَاجُوسْ غَادِي وهْمُومْ تلْعَـبْ بِّيْ مِنْ يمِيــنْ ويسَارْ *** وتمَــرِّرْ اَفْكَـــارِي مَا بِيـــنْ الْبلادِ تَمْرِيرَةْ درُوغْبَا مَعَ الْكُوتْ دِي فُوارْ *** أَحْيَانْ بَاصْ عيُونْ واَحْيَانْ عَادِي تَطْــرِيْ عَلَيّ اَفْكَارْ واَخبَارْ واَسْـرَارْ *** وتشُبّ فِي صَدْرِيْ بَعَدْ كَانْ هَادِي هَمّــ الدّرَاسَـــة والْـكُتُــــبْ والتِّذِكَّارْ *** وهَمّ الرّفِيــقْ اللِّي غَدَا لِي معَادِي وهَمٍّ دفِيــنٍ مَــا دَرَتْ عَنْـــهْ اَلاَخْبَارْ *** هَــمٍّ فِي وَادِ وهَــمٍّ آخَــرْ فِي وَادِي ولاَمِنْ شَعَرْتْ انِّــيْ بدِنْيَـــايْ مِحْتاَرْ *** طَنَّشْتَـــــهَا وشَنِّـــيتْ حَرْبْ اَلْعنَــادِ عَلَى يمِينِيْ صِرْتْ ثُمْ قُلْـــتْ اَلاَذْكَارْ *** واَغْمَضْتْ جِفْنِيْ لِينْ صَاحْ اَلْمنَادِي! وسلامتكم.. أنتظر ىراءكم ونقدكم على أحرّ من الجمر ض26 مهوجس |
رد: أزريت بي والله يا ليل غدّار !!
والله كمعنى روعه اشكرك على المعنى الروعه
ونا اترك النقد للي احسن مني هع هع وماحب النتقد هع تحياي وشكري وبتوفيق |
رد: أزريت بي والله يا ليل غدّار !!
اخي العزيز مهوجس شاعر
ما شاء الله عليك نص رائع وموضوع ومعنى جميل وقصيده التزمت فيها بالقاف والوزن ولكن لي مداخله على جبر كلمه لو سمحت فقط ولم اقوم بايرادها الا من سبيل النصح والتِّذِكَّارْ هل تقصد بها المذاكره اخي العزيز على العموم ارجو ان تقوم بالكتابه في القسم الخاص بك فانت مبدع ولا تقلل من شان نفسك تقبل تحياتي وخالص تقديري |
رد: أزريت بي والله يا ليل غدّار !!
شكراً لكم جميع على المرور..
أخوي ناصر.. التذكّار -بتشديد الكاف- والمقصود منها المذاكرة ^_^ بعض الأحيان تُجبر على بعض الكلمات عشان ما تتحسّف على بقية البيت ولا هنت عالنصيحة اللي فعلا كانت في محلّها.. مهوجس |
رد: أزريت بي والله يا ليل غدّار !!
أقسسسسسسم باللللله الذي لا اله غيره انكــ شااااااااعر متمكـــــــــــن ما شاء الله تبارك الرحمن قصيده بحق يعلى ولا يعلى عليها , أعجز عن وصفها من روعتها وجزالة لفظها ,, راقت لي جدا جدا جدا
داااااااام قلمـــــــــــــــــــــــــــــــــــــــك نابضآ بالابداع |
رد: أزريت بي والله يا ليل غدّار !!
قهر كان حطيتها بقسم الشعر والشعراء بحكم انها اكثر من 6 ابيات
|
رد: أزريت بي والله يا ليل غدّار !!
صح لسااانك مهوجس ابياات راائعه ...
لك ودي ... |
رد: أزريت بي والله يا ليل غدّار !!
صحّت أبدانكم ومشكوريـــن عالمرور الرايق..
ميسون أحرجتيني قسم بالله =$ لا تبالغيــــــــــــــــــــــــــــــــــــن بس الصراحة عطيتيني دفعة معنوية الله لا يهيــــــنك يا ميسون ولا يهينك يا غرام نجد دمتم بودّ مهوجس |
رد: أزريت بي والله يا ليل غدّار !!
صح الله لسانك وبيض الله وجهك .. قصيده جزله ياسلام عليك يامهوجس .. وانت مثل ماقال اخوي ناصر واختي ميسون من المفروض تكتب في قسم الشعر والشعراء لأنك شاعر جزل .. اهنيك على نصك ..
دروغبا هاه هههههههههههههههههههه << يحب ذا الاعب |
رد: أزريت بي والله يا ليل غدّار !!
هههههههه لبى قلبك وقلب دروغبا يا شيخـ، وصحّ الله بدنك..
بس ياخوك أخاف اكتب في الشعر والشعراء يقولون تلايط واكتب في شعراااء المستقبل، قلت اقصر الشر واكتب هنا أريح خخخخخخخخخخخخخخخخ مهوجس |
| الساعة الآن 06:15 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
