المعــزة والفخـر بأرض السعود = قــلتها وأنــــا سعـودي وأفتـخر
والمــحبّة مــالها عنــدي وجـود = دام ماهي فـيـك يــا أغـلى بــشر
سيدي وإن جدت من خيرك نجود = الـــولاء للــــدار وولاة الأمـــــر
مــن جنــوب أبها لحايل والحدود = مــن بـحـر جـدّة لــحدّك يالخــبر
ديرتي لا صــكّ راس العُود عُود = ما نــهاب المـوت فـي بـر وبحر
ينخفـض راس الذليـل ولا يعـود = خل ذلّــه ينفــعـه وســط القــبــر
حــن جنــود الله وللدّيره جـنـود = حــن سيوفن تلمـع ببّطن وظهـر
هب ياوجــه المنافق والحـسـود = ما لــك بـدار المــطاليـق أي أثـر
دام عزّك ياوطن وأرقــى سنود = تــبشـر بعــزّك وتـآمــرنـا أمــر
مــا على دار المطاليق أي زود = بـس داري غـير عـن كـل الـدّيـر