|
توثيق : " هنآ على شاطيء الإبدآع "
هنآ على شاطيء الإبداع.. توثيق لجميع المحاورات التي جرت بين شعراء هذا المنتدى وتم الإعلان عنها مسبقآ ... * البداية كانت بين الشاعرين ( وليد المقاطي & عبدالله السفياني) الإثنين : 4 / 11 / 1432 هـــ وليد المقاطي : سلام واسَحَب رقم من ضمن الأرقآم = قرعـه وانـا راضـي علـى مآيجينـي وطآحت على عبدالله الشاعـر السّـآم = وياقرد حظّه يوم جآء في يدينـي :) عبدالله السفياني: مـاعـاد فيـهـا جــات قــدام قـــدام = ماني مناظـر فيـك بنـص عينـي حظي كبير ومن رجاجيلاًإحشام = ماهمنـي مـا قلـت صافـح يمينـي وليد المقاطي : إحذر من الثورآت في عصر الأعلام = لاتنـقـلـب ثـورتــك بـيـنـك وبـيـنــي شف ضربهآ في ليبيآ وأختهآ الشام = مـن هـول مـآ اشوفـه تبـيّـح كنيـنـي عبدالله السفياني: الثـورة الـلـي مـثـل منـتـوج الافــلام = مـا هـي بلـي وانـا لهرجـي ضمينـي يـاكـم مــن الـثـورات رجـــال مـانــام = شاف الذي شافه في ماضي السنيني وليد المقاطي : يآراعي الأفـــــــلام عآمً ورى عآم = مُنتج ، وآنآ شاعر و وينك وويني وياحيـــِرة الريشه على كف رسـّـآم = لامــن رسم معنـــــآه خلك فـــطيني عبدالله السفياني: مانبخس الوزنه علـى مـر الايـام = هـذا الـذي ممليـه فالـوقـت ديـنـي الصقر لو تُكسر جناحيهه ماحام = يبقى على حاله في وضعاًمشيني وليد المقاطي : اختــّلت الاقدآم من عَجْل الأقدآم = إحجازيً تقبع على امرً هويني الصقر لو يشعر بـ الإهمآل مارام = لك واجبً عنده وله وآجبيني عبدالله السفياني: طبـعـي حـجــازي واتـبـصـر بـالالـهـام = واعرف بيوع السوق واشري الثميني مــا بلـبـس الـعـارة ولا اشـمــر اكـمــام = الـبـس ثـيـاب الـعـز فــي كـــل حـيـنـي وليد المقاطي : خآبرك وافي دوم للطيب مقدآم = واليآ احتسيتك لازمنّ تحتسيني لكن لاتحكم على نفسك إعدآم = ترآك في وجهي ودونك جبيني ! عبدالله السفياني: من قدر العالم كسب كـل الانـام = والكل من شانه ذبح له سميني اللـي مقـدر مـا تغـيـره الاقــلام = لوكان مهما صار وانته ذهيني وليد المقاطي : ياصاحبي من طآح منْ كَبر مآقآم = وطيحت كبير السن شيً يقيني اللي بسنـّك يعطي أدروس واحكام = وترآ المعزه بيننآ مآتــهيـــني عبدالله السفياني: القـائـد الملـهـم عــرف ويــن الالـغــام = نـتـاج فـكــره صـــح مـاهــو خمـيـنـي اسألك عن صرف الذهب هو كما الخام = وإلا كـمــا مـنـتـوج تـــاون وصـيـنــي وليد المقاطي : القائد اليآ تـمّ بـ أركآن الأسـلام = لو لآنو آصحآبه حشى مآيليني وصرف الذهب كايد على كل الاقزآم = ازوآلهم ، لو درهمـت مآتبيني عبدالله السفياني: الله يديـم الخيـر فــي كــل الايــام = ماعاد اشوف المبتلي والحزيني وليد يسبح صار في البحر عوام = يجـلـب لـنـا دره ولا هــو مديـنـي |
رد: توثيق : " هنآ على شاطيء الإبدآع "
هنآ على شاطيء الإبدآع ... * ( رائد العصيمي و محمد الوريكي ) * الإثنين 12 / 11 / 1432 هـــ رائد العصيمي :
سلام الله سلام الله وانا شاعر ولي تقدير = احب الشعر واعشق كل شعار السعودية اشوف طويق من كبره يدقق في جبال النير = عسى مايطحن الضلع المسمى وقت عصرية محمد الوريكي :
هلا يا مرحبا ترحيبــتن تبنالك من اعصــير = على اللي قام ثـم رد السـلام .وخامس ايديــه اشوف الي اتشوفه يا العصيمي والنوايا غــير = عساك ان جبـتها يا صاحـبي من فوقـها حـيه رائد العصيمي :
يدوم لك البقا وانته حبيب الشعب لكن مير = يحبونة جميع الخلق يمكن من صفا نيّة يقولون العرب جساس يبغى غدرتك يالزير = وانا مدري فهمها الزير والا مادرا ب شيّة محمد الوريكي :
انا ادري وانت تدري لاكن ان السالفه ذي غير = اباك اتصير مثلي وانت قمت اتلفلف اشويه تـرا جسـاس يومـنه غدر بكليب قصة بــير = وانا ما بيك تــصيح بين هــاذيه وهاذيــه رائد العصيمي :
انا ودي انّي ارسلّك رسالة وسطها تحذير = لامنه جاء نهار الرمي لاتزبن ذرا الفيّة انا اشوف الخطر جانا لكنك وش علي تشير = نبى الفزعة جنوب وغرب والوجهات شرقية محمد الوريكي :
نهــار الرمي يـا رايــد نبا نعطــيكــم التـقرير = ولامني عطيتك علمي . احفض هاذي اوصــيه تقول ان الخطر بين . نبا صوره من التصــوير = الا يــا اللـه باربـي عسـى تدمـح لـه الــسـيه رائد العصيمي :
علامك صرت متخدر وواضح يمك التخدير = نبى نلحق قبل لاتردف الكية على الكية نهار الرمي مافيها هذا برّ وهذاك شعير = عساهم يامحمد يلحقون بفصيل العيّة محمد الوريكي :
انـا ياصاحبي لا شفت طيرن مرتفع عن طـير = تمنيــت انّهــنّه فالـهوى يــبدن ما فــيه اخـوك اخـوك يا رايـد وانا معتـبرك الامــير = اناديــك المساء وانته تقول ابشر.. متى الجــيّه |
رد: توثيق : " هنآ على شاطيء الإبدآع "
* هنآ على شاطيء الإبداع ... * ( فهد الهبآش & قاصد كريم ) * الإثنين 18 / 11 / 1432 هــــ فهد الهباش
سلامــي ســلام الكـبتنَ القــايد المسـؤول = عـلى اللّـي حـفـظـت اسمه من أوّل بداياته على شاطيء البحر العميق انتهادى اللّول = وأنــا فــاهــمـــن قاصـد وعــارف حـــراكـاته قاصد كريم
عليك السلام ورحمة الله وانت تطول = على قاصد الماثل وتعرف حكاياته اذا كنت تبغى تقول لي شي تامر قول = وشرواك يبلى بالخطيه على سكاته فهد الهباش
ألا يارفيق الــدرب ما عــاد بــه مـجهول = عـــســى الله يــمــد الطّــيب بــقدر نيّاته نشوف العرب تحكي ولو حكيها معسول = يحيّرك بعض الناس مــن كثر هــمــزاته قاصد كريم
توكل على الله كل مغشوش يبغى يزول = قطار الحقيقه واصل آخر محطاته اذا ضامك الحمل الثقيل ازهله مشيول = واذا ضايقك شينٍ من الوقت لي هاته فهد الهباش
يقولون به في سكّة الـدرب دقّ طبول = إلا شاف صوتن عذب لاحــى لشـيلاته وأنا من زمان أصول بالمعركة وأجول = ورفيق السعد نجبر كسوره وعثراته قاصد كريم
يقولون بعض الناس شافوك وسط المول = وانا خابرك مالك غرض في بضاعاته تبي تشتري غتره وهو يعرض المريول = من اللي يدور عند سوق السمك شاته فهد الهباش
ما ننكر مدام الوضع يا صاحبي مقبول = لـكـن مـا قهرنـي غـير قـاصد بطبّاته لـفـى قـبـل يـوم وقال زبدة بطعم الفول = وأناظر وإلا هي عكرة الضب بشفاته قاصد كريم
علامك فتحت الباب الآخر وهو مقفول = ومن يفتح الابواب تكثرمتاهاته نعيد السوالف لاصلها والحكي المعقول = قبل ندعي الماضي ونفتح ملفاته فهد الهباش
لوان ماني اعرف صاحبي قلت ذا مهبول = لكن دام مفتاحه معي واين وجهاته أجــل ويش حل اللغز ياللـي مـعـاه حلول = وياخوفتي من حلّ قاصد وطمراته قاصد كريم
انا لارتكيت اشيل حملي ومعه حمول = ولي موقفٍ واحمى عميلي بغيباته ولغزك علينا الزم من البارد المزلول = الى خاضه اللي ماتهقويه رمعاته فهد الهباش
تقوله وانا عارفك قول وعليه فعول = خويي واعرفك لا رمى الوقت غاراته أنا ما نشدتك غير من هرجة المشلول = واش اللي يبيه النذل من كثر غمزاته قاصد كريم
على الطيبه سباق عمرك عساه يطول = يزول الردي حيشاك وتزول اشاعاته ولا تتبع القوال خل اللـ يقول يقول = مصيره على شيناه يخسر علاقاته فهد الهباش
صبرنا وذا عامين حولن يرادف حول = وقلنا فهمها غير يا كثر شطحاته أعرفه وثوبـه دايمن مـن فـهـد مبلول = وقـدّام خـلـق الله يـفـتّل عضالاته قاصد كريم
دواكم على ماقيل مايشفي المعلول = كفاك الولي من سو بقعا وصكاته الا ياعريب الجد سيف العدو مسلول = وانا خايف انه يقتحمني بغراته |
رد: توثيق : " هنآ على شاطيء الإبدآع "
هنآ على شاطي الإبداع ،، ( أخو من طاع الله & الصقر الجارح ) الأثنين 25 / 11 / 1432 هــ أخو من طاع الله :
لا دقت طبول الملاقى في مكان ن به يحيد = الشاعر اللي ماسرج قافه وقافه يمحقه وانا هنا على الوعد حاضر وانا باسي شديد = كله لجل عين الذي دار اللقاء ونسقه الصقر الجارح :
يامرحبا بالشاعر المبدع راع الراي السديد = ترحيبتن بالشاعر اللي كل طرقن يطرقه وانا هنا ياصاحبي حاضر وانا باسي حديد = كلـه لعينك يافهــــد والقاف لجلك نحرقه أخو من طاع الله :
دام البقا بك ياعميلي وانت مركاز وعضيد = مادام جدك في سبيل الله ثور بندقه مري وانا خابر بني مره لها وقت ٍ مديد = لو كان من يام العريقه من رمى بمصدقه الصقر الجارح :
زانت اعلومك وانتبه لي زين والمسرا بعيد = وترا البحر لامره السباح خطرن يغرقه ولاعليكم زود وحنا اللي يلـين انا الحـديد = وانا على الطاروق يابن الناس فالبال اشفقه أخو من طاع الله :
هذاه اشوفه واقعك تريد ولا ما تريد = لكن سؤالي ياعرب تبى اجابه مرهقه اذا راحاها دايره مع زيد ولا مع عبيد = ورفيقي خابر لاكنته والصدق دايم منطقه الصقر الجارح :
كنك عنيدن بالزمن تلقا مع الدنــيــا عـنـيـد = وعطني سؤالك لاجل تاتيك الاجابه مطلقه هذا رحا الدنيا يدور ولابه احدن مستفيد = ورفيقك هذا منطقه وماتنعدم فـــيــه الـــثـــقــه أخو من طاع الله :
اظاهر انك مثل جوالً يشال إبلا رصيد = والا ان خدمت هاجسك للحين معك إمعلّقه لكن فعــّل خدمتك ويجيك ردي بالبريد = خل التهبّد عنك والتكسير جاب الخنبقه الصقر الجارح :
الله يسامح صاحبي وتشبيهكم ماهــو اكيـد = ولا انت خدمتكم ترا ياصاحبي كالمـــغـــلــقــــه انا مفعل خدمتي ياصاحبي ومن دون قيد = مانا اتـهبد وان تهبدنا يجي فيك اغلقه |
| الساعة الآن 03:17 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
