**

الطيب فرصه والجمايل توافيق
ومن لاتوفق ماكتب له جماله

ومن لارقى للطيب روس الشواهيق
مازان له وقته على مابداله

ومادام لفعول الجمايل عشاشيق
كسب الجمايل ما يجي بالسهاله

ولو انها تشرب مع فكة الريق
كل خذاله كل مااصبح بياله

والطيب منوه للقلوب المشافيق
كل يتوق ومنوته راس ماله

والمدح مايزهى على الرجل ويليق
الا لا صارت وافيات خصاله

يستاهله رجل يفك المزانيق
اللي يقال ونعم لا جاء مجاله

ومن ساقته نفسه وهو مابعد سيق
لاجل الجميل يزين الله فاله

والمرجله ماهي بتحتاج تنسيق
من بين قلب اللي عشقها وباله

ومن عادة الدنيا تخون المواثيق
تفتر مكرتها سواة المحاله

ولو لا اللوازم ماعرفنا المخاليق
مانعرف الرجال لين انعناله

والكفؤ تظهر فزعته حزة الضيق
وينشاف في الشده بعين العداله

نسل الرجال متعبين الملاحيق
متوسط من بين عمه وخاله

واللي يطيق ولا بغى قال مااطيق
تحرم عليه المرجله والشكاله

والهينه تكبر على اللاش والهيق
له في الرخاء قاله وفي الضيق قاله

والطيب شاره والضماير صناديق
واللاش طيبه ما تعدى ظلاله

وانا اسبر قلوب الرجال المغاليق
والصامت اقطع غايته من مقاله

ومادام في الدنيا رجال ومطاليق
نصيتهم واللاش مالي وماله

تسلم يديك على نقل الجزل

تعودنا منك الجزل والرائع دائماً

تحياتي لك

دمتي بخير

المشاركة الأصلية كتبت بواسطة مشعل الحربي (المشاركة 151297) تسلم يديك على نقل الجزل تعودنا منك الجزل والرائع دائماً تحياتي لك دمتي بخير

المشاركة الأصلية كتبت بواسطة صبيه من بين الصبايا (المشاركة 151407) مررررره خطييير يا بنت أبوي يسلموو

المشاركة الأصلية كتبت بواسطة زيـزو (المشاركة 151444) يسلموو عالطرح المميز

المشاركة الأصلية كتبت بواسطة .. [ آلورد ] .. (المشاركة 151458) سلمت الانامل ودي وورودي