رد: حيــاك عطنـا علومــــك
الطايش اللي محتمينه ماولوه
كل العيون اللي تحبه باعته
اغلى اشهوده ساع مابيع اجحدوه
وااوفى اشموعه يوم قفّا ماعته
يهل السخافه واللقافه جنبّبوه
خلّوه يخطي دامني شمّاعته
خلّوه يجمد ويتبعثر كل ابوه
مادامني في حكمه وفي طاعته
لانه خليط من التغاضي والنّبوه
ومواقفه تبنى على قناعته
قاسي ولو تضايقه ماقال اوه
وقساوته اخر دلع مياعته
مدّلعن خلقه وناسه دلّعوه
ونفسه ماتشبع به اليا جاعته
يغيب ويدري ان المخاليق افقدوه
ويرجع بصوتن جعلني ماناعته
فلابث رقمه شاشة الجوال اتوه
واقول ياربي تبارك ساعته
جوالي اليا دق وقال الوه
تذوب اذانّيي على سمّاعته
لبيه ياكلماته ولافضّ فوه
اموت في ضحكته واستمتاعته
لاتنشدوني ليه احبه انشدوه
حبه محبّبني سبب ودّاعته
من كثر مااحبه احب امه وابوه ... >>> البيت هاذا له التاثير الكبير على قلبي
بالمختصر احبهم جماعته
|
