لاواهنيك يوم لابه شيئ يحدك
أرضك فسيحه ولابها حدود ولامسافات
كل ماضاق بك خاطرك لفيت لفيت
ولانته سجين لاكدرت صفوك سوء الأيام
صحت تكفون تكفون
وصدى صوتك تسمعه من كل صوب
بالله ياطير السعد لامريت أرض الأحباب
قله عساك بخير والشر ماجاك
وقله وليفك من عقبكم عاف دنياه
وكنه غريب(ن) في المدينه و لالقى من يحاكيه
والا كما غريق(ن) صاح بأعلى الصوت ولابه من يشله
وقله مانسيته ولاباتناساه
لو طالت المده تراني اتحراه
بين الوله والشوق قلبي يوده
مسجونه بحبه ولاني بمجبوره
وأسعد سجينه لابقى سجني على طول
وقله دنياي عقبه سارت كما ظلمة الليل
من بعد ماكان هو ضيها وسراجها
ولاشفت وجهه راحت هموم (ن) بالحشى مستكنه
وعسى أرض(ن) نزلها ماتجيها ملاكيم
وعسى المطر يسقي ماحلت بها خطاه
