السلام عليكم ورحمة الله وبركاته
الله يصبحكم بالخير اليكم هذه الابيات اللي تعبر عن نفسها
اللي اذا شافوك ناجح تعادوا
................. اشوفهم في تالي الوقت زادوا
اذا حكينا حسوا انهم عبآقر
................. واذا سكتنا ما حكينا تمآدوا
بوجيهنا ماغير ضحك ومعزه
................. وبظهورنا سيف وخناجر ورآدو
لا شافوا اللي فايزِ بالمحبه
................. من شان تخريب العلاقه تنآدوا
الله يكفينا شرور الخلايق
................ وابليس واللي في رضآه استقآدوا
واللي يعزونك على شان حآجه
................ والى انقضت راحوا ولا زيد عآدوا
من كان صحبتهم على ذالطريقه
............... نصيحتي من مجتمعهم تفأدوا
يفدون ناس ما تحب المشآكل
................. ان فآدوا الجمهور والا استفآدوا
الطيبين الغانمين النشاما
................ ان جدت جآدوا وان ترديت جآدوا
قال الرسول المصطفى في حديثه
................ من باب توثيق المحبه تهآدوا
وكلا يريد ورآدة الله فوقه
................. والكاسبين اللي للامجآد رآدوا
ومادام صدقآني يعرفون طبعي
................... ماهو يهم ان اسكتوا وان تمآدوا
ماهو بناقصني اذا عذربوني
...................... وما هو بزايدني اذا بي أشآدوا
ودمتم
