لمحت زول الفراق وذقت مافيها
وشميت ريح الحزن في اخر افراحي
اص وامانه ودخيلك لاتطريها
لاتنحر الروح وتكون انت ذباحي
وخلنا نسهى وننسى تواليها
وندق باب الامل ونطبب جراحي
ونقول اظغاث احلام ولانحاتيها
وانا خابر ان عيوني مابها امراحي
وشلون تمرح عيون النوم جافيها
وشلون يرتاح قلب به حزن ونواحي
وليا طرى اهتز كل شي يغليها
في جسم من خلته والدمع فضاحي
يتيم وفرحان بلعبة تو شاريها
واسرقوا لعبته من قبل الاصباحي
بكى وغمض عيون الدمع ماليها
قالوا غفى وهو توفى بغيظ واجراحي
عدي اليتيم بالمثل بانت مواريها
وقفت فوق الجبل وهبت ارياحي
وهلت دموع العيون والموت لافيها
وانقبضت الروح بليا طعن ورماحي
واليوم اسمّعك صوتي في قوافيها
وبكره تشوف القصيد من دون شرّاحي
يالله ياعالمن باول وتاليها
انك تحاسب ارواحنا بالاصفاحي
وصلاة ربي على المختار غاليها
بعداد مارفرفة طيور بجناحي
