الملتقى الجماهيري للشاعر محمد بن فطيس المري - عرض مشاركة واحدة

#1 09-04-2011, 02:27 PM

بسم اللَّه الرّحمن الرّحيم

السلام عليكم ورحمة الله وبركاته، وبعد،
فهذي قصيدة تحكي هموم تكالبت عليّ وانا اصارع السّهر << كيف الأسلوب بس أزريت والله غدّار

..
الزبدة انّي أقول في القصيدة:

أَزْرِيــــــتْ بِـي وَالله يَالِيــــــلْ غَدَّارْ *** يَطْــرِيْ عَلَيّْ اَنْـعِسْ وبِيدَكْ رقَادِي

أَقْلِـبْ عَلَى الْجَنْبِيــنْ والْبَــالْ مِنْهَارْ *** مِنْ هَاجِسٍ قَادِمْ وهَاجُوسْ غَادِي

وهْمُومْ تلْعَـبْ بِّيْ مِنْ يمِيــنْ ويسَارْ *** وتمَــرِّرْ اَفْكَـــارِي مَا بِيـــنْ الْبلادِ

تَمْرِيرَةْ درُوغْبَا مَعَ الْكُوتْ دِي فُوارْ *** أَحْيَانْ بَاصْ عيُونْ واَحْيَانْ عَادِي

تَطْــرِيْ عَلَيّ اَفْكَارْ واَخبَارْ واَسْـرَارْ *** وتشُبّ فِي صَدْرِيْ بَعَدْ كَانْ هَادِي

هَمّــ الدّرَاسَـــة والْـكُتُــــبْ والتِّذِكَّارْ *** وهَمّ الرّفِيــقْ اللِّي غَدَا لِي معَادِي

وهَمٍّ دفِيــنٍ مَــا دَرَتْ عَنْـــهْ اَلاَخْبَارْ *** هَــمٍّ فِي وَادِ وهَــمٍّ آخَــرْ فِي وَادِي

ولاَمِنْ شَعَرْتْ انِّــيْ بدِنْيَـــايْ مِحْتاَرْ *** طَنَّشْتَـــــهَا وشَنِّـــيتْ حَرْبْ اَلْعنَــادِ

عَلَى يمِينِيْ صِرْتْ ثُمْ قُلْـــتْ اَلاَذْكَارْ *** واَغْمَضْتْ جِفْنِيْ لِينْ صَاحْ اَلْمنَادِي!

وسلامتكم..
أنتظر ىراءكم ونقدكم على أحرّ من الجمر أزريت والله غدّار

مهوجس

المصدر: الملتقى الجماهيري للشاعر محمد بن فطيس المري