رد: يــا صمـتي انـطق’’’وسع صدري الضايق..وان ماقويت الحــكـي’’يكفيكـ تنهيـدهـ..
بفارقك لو كان ماخترت فرقاك
بفارقك وانا برجوى وصالك
البعد لو به خير ماكان خلاك
تقطع من عيون المحب اتصالك
مكثرك في الصده وفالوصل مشواك
الكبر لله لايغـرك جمـــالك
خليتني للبعد والبعد قساك
خلاك تنسى واحدن قد وفالك
سليت سيف الهجر كني من عداك
ذبحت شووق الروح شاللي جرالك
العام ماتصعب ليا قمت بلقاك
واليوم دون المواصيل هالك
منت بـــ(ردي) حسبي على الوقت رداك
غير صفاك...وطيبتك...واعتدالك
حاولت نسيانك وعييت لا انساك
لاجيت ابنسى ذيب صدري عوالك
لو انك بترجع كثر ماتمناك
ماكان ذا حالي ولا ذا بحالك
كثر الجفا وانا استغفر الله اشراك
حبك كفر بي لعنبو من صفالك
خذاك مني البعد ماعاد بقاك
وانا على قول المثل مش حالك
تدري وش اللي يقتل الشوق ياذاك
لاني بولد عمك ولا بولد خالك
الشوق برد ودافي الوصل لقياك
وبرد الجفا خلّف طريق اللقا بك
علمتني حبك وعلمني انساك
لو كان من دنياي مابه بدالك
تبغي تضيق خاطري جعله فداك
ماهوب انا اللي اعاتبك في حلالك
طلبتني قلبي وانا قلتلك جاك
والحين سو بخافقي مابدالك
|
