وتشمت فيني العشاق وتشمت فيني الأصحاب
وتشمت بي مع الأصحاب ناس(ن) ما تدانيني
ترى الشاعر له حروفه مثل ما للسباع أنياب
ليا من ضامته دنياه وردها المياديني
ألا يا دمع ويش ينفع خفوقي كلمتين عتاب
ما دام إنه عشق بنت غشاها الملح والزيني
أشواق ضمها قلبي..عشقها..مات فيها ذاب
تولع في هواها لين قام الحب يرثيني
عيون كحلها يذبح..يدين مزينه بخضاب
شفايف تستفز الصبر وتصحي شياطيني
من وصوف القمر فيها ولكن ويش جاب الجاب
ما دام إن القمر يبكي ليا قامت تحاكيني
يقول أرجوك لا تكشف حقيقة حسنها الجذاب
ترى الناس لامنها درت صارت تجافيني
صحيح الحسن في محبوبتك ما منه شخص إرتاب
ولكن طالبك هالشىء يبقى بينك وبيني
وأنا من شانها مع غيرها ما حسبت حساب
إذا هاذي تحاكيني وإذا هاذي تناديني
بنيت لحبها قصر بقلبي مترف وخلاب
قصر بين القصور المترفه ما مثله إثنيني
قصر كانت به أركانه وفا والصدق فيه أطناب
سياجه أوردة قلبي وحراسه شراييني
تعبت أزرع شجر أرض المحبه والقدر حطاب
تعبت أعلق أمالي على شماعة سنيني
تعبت أقفل لحبي باب ويفتح للحسايف باب
تعبت أجامل النسيان وأقول إنه ينسيني
تعبت أدمح خطأ كذب الظنون وأطلع الكذاب
تعبت أكذب على نفسي وأقول الحظ يخطيني
تعبت أودع الذكرى وأحس بحرقة الأعصاب
تعبت أقفي عن أشواقي ولا تبغى تقفيني
إلين أصبحت ما افرق ما بين الحب والأعجاب
