الملتقى الجماهيري للشاعر محمد بن فطيس المري - عرض مشاركة واحدة

الاوسمة · 10-12-2011, 02:58 AM

يا ما حلا يا عبيد في وقت الاسفـار ** جر الفراش وشـب ضـو المنـاره
مع دلة تجـذا علـى واهـج النـار ** ونجر ٍ ليـا حـرك تزايـد عبـاره
في ربعة ماهيب تحجب عن الجـار ** لا من خطو اللاش ما شـب نـاره
النجـر دق وجـاذب كـل مـرار ** ما لفه الملفـوف مـن دون جـاره
واخير منهـا ركعتيـن بالاسحـار ** لا طاب نوم اللـي حياتـه خسـاره
تلقاه فـي يـوم يضيعـن الافكـار ** يوم على المخلوق ما طـول نهـاره
قم في قصير البيت حشمة ومقـدار ** لو جار فأدمح له ولو بـه خسـاره
ترى النبي وصى على الجار لو جار ** خذ الحذر ياعبيـد عقـب النـذاره
رافق قوي الدين حفـاظ الأسـرار ** ينفعك في يـوم تجـي بـه كـراره
ترى الهوا والغي هن شر الأشـرار ** ومن داس عار الناس داسوا لعـاره
جنّب ردي الكار مـا فيـه تعبـار ** ما فيه من فعـل المناعيـر شـاره
جنب عنه خله لقصـاف الأعمـار ** واحفظ وصاتـي يارفيـع المنـاره
واسلم ودم بالخير ياطيـر غيمـار **وصلو على المختار ما غار غـاره