..
صار الوطن غربه وصار السفر دار
لـ ويـن مدري لكــــن لـ أي ديره
من عاش وقته مايحسب للأشــوار
يضيع مايدري توالــــي مصيره
للنفـس حـَـد ولـو تعـدته تنهار
ماعاد تفـرق بين خيـــرن وخيره
بعض العرب في جوفها علوم وأسرار
والله هو اللي عالــمٍ بالسريره
كم واحدٍ يشرب قراطيع الآمرار
ولكن صابه مثــل حب الشعيره
وكم واحدٍ لو صابه أدنات ماصار
خلـى الصغيره فـي عيونه كبيره
اذا معك دينـــار قـدْرك بدينار
مع إحترامي للـــوجيه السفيره
كب الدلال وصــك بابك عن الجار
وغير مسمــاتك وخـل العشيره
تلقى مـع العالــم معـزه وتعبار
الطيب تال الوقت أصبـــح معيره
ماعاد بها الوقت حشيمــه وتعبار
لو انك أنت شيخ فخـذك وأميره
المال يغسل من مـلا وجهه العار
والفقر ذل أهل السيـوف الشطيره
يحقر اللي ماعلى ساسـه غبار
ويعــز من شان النفوس الفقيره
الفقر قصّر مــن طويلين الأعمار
والمال طول فالأعمــار القصيره
هذا الصحيح ولو تجيبون الأعــذار
عذر أنسحـاب القوم عقب الكسيره
الميت له دعوهـ وللكســر جبار
والهــرج ماسر الجروح الخطيره
اللي مشى في عـــزة النفس مابار
واللي يذل النفس بايــــع ضميره
قدامنـــا جنـه وقــدامنـا نار
واللي بغيناه الهــدى والستــيره
