لا دقت طبول الملاقى في مكان ن به يحيد = الشاعر اللي ماسرج قافه وقافه يمحقه
وانا هنا على الوعد حاضر وانا باسي شديد = كله لجل عين الذي دار اللقاء ونسقه

يامرحبا بالشاعر المبدع راع الراي السديد = ترحيبتن بالشاعر اللي كل طرقن يطرقه
وانا هنا ياصاحبي حاضر وانا باسي حديد = كلـه لعينك يافهــــد والقاف لجلك نحرقه

دام البقا بك ياعميلي وانت مركاز وعضيد = مادام جدك في سبيل الله ثور بندقه
مري وانا خابر بني مره لها وقت ٍ مديد = لو كان من يام العريقه من رمى بمصدقه

زانت اعلومك وانتبه لي زين والمسرا بعيد = وترا البحر لامره السباح خطرن يغرقه
ولاعليكم زود وحنا اللي يلـين انا الحـديد = وانا على الطاروق يابن الناس فالبال اشفقه

هذاه اشوفه واقعك تريد ولا ما تريد = لكن سؤالي ياعرب تبى اجابه مرهقه
اذا راحاها دايره مع زيد ولا مع عبيد = ورفيقي خابر لاكنته والصدق دايم منطقه

كنك عنيدن بالزمن تلقا مع الدنــيــا عـنـيـد = وعطني سؤالك لاجل تاتيك الاجابه مطلقه
هذا رحا الدنيا يدور ولابه احدن مستفيد = ورفيقك هذا منطقه وماتنعدم فـــيــه الـــثـــقــه

اظاهر انك مثل جوالً يشال إبلا رصيد = والا ان خدمت هاجسك للحين معك إمعلّقه
لكن فعــّل خدمتك ويجيك ردي بالبريد = خل التهبّد عنك والتكسير جاب الخنبقه

الله يسامح صاحبي وتشبيهكم ماهــو اكيـد = ولا انت خدمتكم ترا ياصاحبي كالمـــغـــلــقــــه
انا مفعل خدمتي ياصاحبي ومن دون قيد = مانا اتـهبد وان تهبدنا يجي فيك اغلقه