قد ذي النهاية عظم الله خيرش=على وفاة الحب فيني دفنتيه
ماهي غريبة فصلته عن مصيرش =بس الغريب الموت كاسه سقيتيه
هذا جزا من كان يبدي ضميرش=يوم الوله يسبق طريقٍ سلكتيه
وصلش توقف وانتهى خط سيرش=على قفا دربٍ بكيفش مشيتيه
مشكاة قلبي شبها فوح كيرش=يومش على جمر المفارق شويتيه
الناس واجد واكثر الخلق غيرش=توفي ولاترجع بعهدٍ قطعتيه
لابار ودش يسهل اصعب عسيرش=لاطال ليلش ينتهي ما بديتيه
بس البلا لا صار قلبي اسيرش=على رغم سيف الجفا يوم شلتيه
يعني ترى داخل عروقي مسيرش=وانفاس روحي تظهر الي نسيتيه
لكن على ماصار ربي يجيرش=يمكن تعزيني بحبٍ دفنتيه
