قصيده من قديمي شيله بصوت الرائع _ حشفل
واخراج المتألق دائماً جوكر
ياصاح قلبي من هوى الزين خفاق=ولاتعلـم مـن خطايـا سنيـنـه
يمشي وراء حب المهآ كل ماراق=ولا يطـاوع لابغيـت السكيـنـه
اخاف من بعد اللقاء يصبح افراق=واذوق طعم المـوت ولا الغبينـه
واخاف لانطرد ورا نوض بـراق=ونضيع في موج البحر بالسفينـه
وانارجل دايم على العـز سبـاق=باموت ماخشت بقلبـي ضغينـه
اجي مع العشاق واروح بأخـلاق=واشوم لاشفت الغـلا مرخصينـه
لي هاجسن يكفخ مع الطيرلاضاق=ودايم معذبنـي مـع كـل زينـه
والناس في ذم المحبيـن عشـاق=ولاتداني صوت عاشـق ضنينـه
وقلبي غدى تالي زمانه علي عاق=يخالف اشواري ويتبع حنينه
ماعاد يبغى خيمت البدو لاشتـاق=كنه تحضر بعد شوف المدينه
وده مع الخفرات نركض وننساق=والشاهـد الله ماحـن بطايعينـه
اخوكم حسين كرعل الوايلي
