رد: قلب ٍ يحبك لا تخليه لـ البرد ’ برد الشتاء ما أظن منه سلامه
البرد عزر بي وانا منه ضايق
عجزت ارد حنوكي لا يرقلنا
كنه نفيث السم بين الترايق
ينفض عظام الصدر لين احتمنا
منهو لبردن حل قابل وطايق
الا يا كود اللي مشبه مسنا
حتى السما صحون ولا من برايق
بالليل بيض نجومها يلعجنا
خبري بوقت القيض واسهيل وايق
يوم العرب سراح منا ومنا
صرصر به الجخدب بذيك الزلايق
حزمن زما والقاع دونه تدنا
وقتن به الشاوي سعيدن وفايق
ما يشكي البيدا ولو هو تعنا
ما يلتعي يوم الروابع صفايق
حزات نسمات الخلا يطرقنا
وجدي على روضن زهوره رحايق
بين الشجر زملوق عشبه تثنا
جاه الروي واشفا الشجر للعنايق
من الطفل خضر الورق ينقطنا
فيها عزيف الريح بالسمع لايق
واطيورن بغصن السلم يسجعنا
والورق فوق الراك جوزن عشايق
وطير البلابل بين الاغصان غنا
والقهوجي جنب المحاديب سايق
يحمس جديد البن نجره يدنا
يطرب لكيفه بالخلا كل ذايق
في جلسة المرباع كلن تهنا
جايب قدوعن من لذيذ البسايق
غيدن عوالي بالمقيض ارتونا
جلسة خلا ما تشتال كل الزهايق
ضيقات الانفس بالفلا يبعدنا
يطرب لها من مستكني خفايق
بالدنيا جنه ما عليها مطنا
|
