مزاجي:

لك ساعتين وخاطرك ماصفالي
ليت الشعَر يرتاح من شرهة ايديك
ترى السؤال اللي بعينك 00 سؤالي
كم قلتلك ما اخترت حبك وطاريك
( جيت بحياتي مثل عمي وخالي
ما اخترتهم واغليتهم مثل ما اغليك )
كنك بعمري قبل لالقاك غالي
قدام لاشوفك واعرْفك واحاكيك
يافرحتي بين الزعل والليالي
بأي الكلام استأذنك فيه وارجيك
والله لو تدري وش اللي طرالي
ماتصد عني لحظةٍ يوم اناديك
ماغير انا وياك 00 وش فيك سالي ؟
كانه على النسيان ماني بناسيك
اقول لك شيٍ وتقطع وصالي
واقول لك شيٍ وتزعل واراضيك !
تعال مره 00 بس مره بدالي
وتقول ساعدني واسافر واخليك !

يقول الله { فذكر فان الذكرى تنفع المؤمنين } فضلاً من دون امر لنتوقف عند هذي الصورة ونلاحظ العداد ولنشكر نعمة الله علينا