السلام عليكم ورحمة الله وبركاته
نجدد التواصل بكم احبابي بعد الانقطاع الاجباري
وعسى يشفع لنا ما نقدمه لكم واشكر كل من سأل عنا في غيابنا
وعسى ما تفقدون غالي يارب
هوينا ما سمعنا اللي نصحنا
ـــــــــــــــ على موج الهوى العاتي سبحنا
وغطس مركب هوانا يا هوانا
ــــــــــــ شكينا خابت الشكوى وصحنا
سرقنا الوقت من حاله لحاله
ـــــــــــــ وذقنا المر فالحب وفرحنا
مشينا بالصراحه ما نفعهم
ـــــــــــــ وجربنا التلاعب ما نجحنا
وضحينا لهم في كل حاجه
ــــــــــــــ ولو هو من دموع العين بحنا
وتركنا النوم للي ما يحاتي
ــــــــــــ وعلى درب الخطر جينا ورحنا
نغض الطرف عن بعض الخطايا
ـــــــــــ ولو صار الخطاء كايد سمحنا
تجاوزنا الموانع والعواذل
ــــــــــــ ولكن من سبب لحباب طحنا
تحملنا المشاكل والمصاعب
ـــــــــــ سهرنا الليل كله ما استرحنا
تصنعنا الفرح في مجتمعنا
ـــــــــــ واذا ناحت حمامة ورق نحنا
نحاول ما يبين الشوق فينا
ـــــــــ ودمع العين لو نرمش فضحنا
يفيض القلب من صدق المشاعر
ــــــــــــــــــــــ يبي يرتاح لكنه ذبحنا
نعبر عن فرح والا سعاده
ــــــــــــ عن اللي في خوافينا شرحنا
دخلنا سوق روآد المحبه
ـــــــــــ وخسرنا بعد ما حنا ربحنا
حكاية عشق مرت والنهايه
ـــــــــــ تعبنا وانكوينا وانجرحنا
اخوكم محمد المري
