من عادتي ما احب تعكير الاسمـاع=ابني على صوت الصراحه صراحـه
روحي تحرّك خافقي خلف الاضلاع=وتعطي لتفكيـري براحـه براحـه
زرع الوفا ورده وجـوري ونعنـاع=والري يدفع مـن قراحـه قراحـه
وانا علىطبعي وازاحم با الاطبـاع=والطير ما يخـذل جناحـه جناحـه
قالو لي ابدع قلـت ياكثـر الابـداع=غطّا الوفا الواسع مساحـه مساحـه
ماهمني كثـر الدعايـه والاطمـاع=والحس ما يحرق صباحـه صباحـه
الوضع عادي والمبادي با الاوضاع=والحرف يرسم من نجاحـه نجاحـه
على الشموخ اكتب رصيدي والايداع=واصرف على شيك السماحه سماحه
اعطي سمو النفس مدهل ومربـاع=والنفس يكبح من جماحـه جماحـه
والحظ واقف ما شرانـي ولا بـاع=موج البحر يروي ملاحـه ملاحـه
ويكفي هجوسي وصّلت حد الاشباع=للـذوق ويسانـد كفاحـه كفـاحـه
من عادتي ما احب تعكير الاسمـاع=ابني على صوت الصراحه صراحـه

المصدر: الملتقى الجماهيري للشاعر محمد بن فطيس المري