قبل أمس كان الحلم بالخوف محفوف=واليوم صار الحلم بين كفوفنا
البارحة وقلوبنا معكم وقوف=وقوف ويخارع أملنا خوفنا
نشوفكم وعيون خلق الله تشوف=والشرق الأوسط ينتظر ويشوفنا
ولحظة وقوف بلاتر وفتح الظروف=أعصابنا راحت تخطف شوفنا
قلوبنا بصدورنا مثل الدفوف=ما نرمش ونخاف القرار يطوفنا
ويسحب الظرف وتهجينا الحروف=وشفنا حروف بلادنا وحروفنا
أنا أشهد انا كفو في كل الظروف=مدام أبو مشعل يقود صفوفنا
الله يحفظه من مقادير الصدوف=صنع لنا التاريخ رغم ظروفنا
الله خلقنا في مقدمة الصفوف=الاوله في صيدنا وشفوفنا
من عادها بالمسرجات والسيوف=تعرف مرابط خيلنا وسيوفنا
لاجا المزاحم بالجنوب والكتوف=نفرق صفوف العداء بكتوفنا
ماهي غريبه دامنا ملفى للضيوف=يامرحبا فى دارنا بضيوفنا